Eikhoina eikhoi esamak asi Esorda ahingba iratpotsing oina katthokkadabani. Masigi wahanthokti eikhoina eikhoigi matam eikhoigi pangal amasung eikhoi esasingbu Mahakki maphamda Mahakpu khurumjaba amasung thagatpada katthokchagadabani. Adubu eikhoina matam pumbada khanggadaba adudi Esorna eikhoida hairiba khudingmaksing amasung pot pumnamaksing pibire haiba asini. Maram aduna, Bible gi matung inna piba asi, asil arang heibaga loinana tougadabani, hairiba asida Epana eikhoida pibiraba aphaba potlamsing asibu ningthina sil langbagi mapalna tougadabani.
Asil-arang heibagi wakhallon asi leisembadagi houna asil aranggi wakhallon asi houkhrabani. Leisembagi wari asi Meihouron khaktada nattana Sastra apumbada uba phang-i, maru oina Thagat Eseigi lairikta uba phang-i, mapham asida Esorna sarga amasung malemgi mapu oiba asi laothok ee: “Malem amasung maduda leiriba pumnamak Jehova gini, taibangpan amasung madugi manungda leiriba makhoi” (Psalm 24:1). Esor asi pot khudingmakki hourakphamni, pot khudingmakpu sembiba Mapuni, amasung pot khudingmakki Mapuni. Esorna semkhraba khudingmak, Mahakkini. Eikhoigi oina leiribasing asisu Esor masamakna khudolsing pibiraba asil-arangba mee ama oina leibani. Eikhoigi oina “leikhraba pot pumnamakki” mathakta Esorna mapuni. Hairiba pot khudingmak sing asi mahakna eikhoida puthokhanbani (loaned) amasung hairibasing asi Mahakpu ekai khumnaba amasung mahakpu matik mangal chaohanba maongda sil langba adu mahakna eikhoidagi pammi.
Bible da yaoba asil-arangba haiba wahei asi Greek ki wahei oikonomia dagi handokpani, hairiba wahei asidagi economy haiba wahei adu eikhoina phangee. Hairiba asi tongan tonganba wahei anina punsinnaduna semba anouba wahei amani: oikos, haiba wahei asi Greek ki londa yum haina hainaba wahei adudagi lakpani, aduga nomos asina wayel yathangbu khangnaba Greek ki londagi lakpani. “Asil arangba” haiba wahei asi chap chana handoklakpa matamda masigi wahanthok asi “emunggi chatna pathap” nattraga “emunggi wayel” haibani.
Ariba matamgi chatnabida, arang-purel (stewardship) adu yum adugi mapu natte. Touwigumbasung, yumbu aduna mahakki emunggi thabak thouramsingbu sil langnanabagidamakta nekpa mee amani. Arang-purel aduna potchei sing sil langbagi thabak touwi, aduga yum adugi potlamsing adubu mapham chana sijinnanaba sil langba adu mahakki thoudangni. Chanaba thamphamda chingjak mapung phana leiba, emunggi sel adu ningthijana sijinnahanba amasung ngak senba, yumgi akoiba adu ningthijana thamba, yum adu luna nanna thamba, hairiba sing asi mahakki thabakni.
Meeoibana sil langbagi thabak asi Eden gi ingkhol dagi houkhi, mapham aduda Esorna Adam amasung Eve ta khutsem pumnamakki mathakta pannnanaba matik adu pibikhi. Adam amasung Eve ngonda taibangpan asigi mapu oihankhiba natte; madugi mahutta, taibangpanba asibu yengsinduna sil langbagi thoudang adu makhoida pikhibani. Makhoigi thoudang adudi ingkhol adu khoidokpa amasung mahei marong thaduna lokpa aduni, aduga madubu manghanba nattraga aranba maongda sijinnanaba natte. Aduga Esorna pibikhraba aphaba pot khudingmaksing adu makhoina manghanba nattraga kanadaba oihalloidabani. Maram asina, eikhoina Bible gi matung inba sil-langba (biblical stewardship) asigi matangda neinaba matamda eikhoina maru oina hairiba wakhallon adudi asini – Bible gi matung inba sil-langba asi eikhoigi oidaba potlamsing adubu sil langbagi nattraga mapham chana sijinnabagi thoudang adubuni, maramdi hairiba potlamsing asigi mapu adu Esor khaktani.
Masigi wareng asi Ligonier ki wareng asidagi handokpani.