Nouna pokpa asi handokpibagi thabak apumba aduda Esorna eikhoida thabak houbiba ahanba khongthangni. Meesingna makhoi nouna pokle haina haiba matamda, makhoina toina khanba wakhal adudi makhoina nouna pokpa asiga makhoina anouba punsi hingba asiga mannei haiba asini. Khudingmaksing asi yenglurabadi, Anouba Walepnabana hai madudi Khristada leiraba mee adu anouba khutsemni: “Maram aduna kanagumba amana Khristada leirabadi, mahak anouba khutsemni; ariba pot pumnamak lanthokkhre; yengu, pot pumnamak inou noure” (2 Corinthians 5:17). Kanagumba amana anouba mee, anouba khutsem oire haibagi achumba asina takliba adudi mangonda anouba punsi phangle haiba asini, adubu hairiba anouba punsi asi mahakki nouna pokpa aduga mannade. Masigi mahutta, mahakki anouba punsi adu mahakna nouna pokpagi maheini, aduga hairiba asiga mannana mahakna hingliba punsi adu mahakna hakchang oina poklakpagi maheini. Eikhoi khudingmakna chahi khudinggi pokpagi numit pallan touwi, adubu eikhoi chahi khudinggi pokpadi natte. Pokpa asi amuk khaktamak oi, aduga hairiba asina meeoi amabu houjikki taibangpan asida hingba houre haibadu tak-i. Aduna pokpa amasung poklaba matungdagi hingba houba ani asigi marakta khetnaba eikhoina thamgadabani, madudi hakchang oina pokpa amasung mahousaga mannadana thawaigi oiba pokpa, hairiba asi eikhoina nouna pokpa haina kouwi.
Eihakna Christian ama oirakpa matamda, 2 Corinthians 5:17 da hairiba aduga eihakka mari yamna leinaba adu thengnarammi. Eihakki nouna pokpa adu ikhang khanghoudana amasung angakpa maongda oiba meesinggi manungda yaorammi. Eihakna Christian oirakpa ahanba tha ani aduda, eihakki pukning adu mathak makha nairammi. Karigumba matamda yamna haraoba amasung Esorda naksinba phaorammi aduga karigumba matamdadi kham thengna pukning hanthabasu phaorammi. Aduga hairiba asi eihakna golf sannaba matamda phaoba adugumna oirammi. Eihakna eihakki nupida hanjin hanjinna hairammi madudi: “Eihak khangle. Ningthina sanagadaba maong adu eihak khangle. Eihakna sannabada amuk hanna keidounungda soiraroi. Tungda sannarakpa matamdasu amuk hanna eihak soiraroi.” Hairiba thouna asi numit nini khak chatlammi, adudagidi eihakna amuk hanna sanabagi maong thijinba hourammi, maramdi golf ki masanada mai pakpa asi kuina chatkande. Asum hainani ahanba tha ani aduda eihakki thajabagi punsi oikhibadu. Eigi thawaigi punsi amuk chaokhatli, adudagi eihakna hannagi paap aduda amuk taba matamda Esor yaodrabagumna amuk phaowi.
Hairiba asi eihakna thougal touba nipa amada matenggidamak hangba chattriphaobadi phaorammi, mahakna asumna eingonda paotak pirakkhi: “Nahakki nouna pokpa adu ahoubani haibasi ningsingu. Anouba Walepnabana hai madudi nahakna atoppa hiramsing haibadi mapung phaba punsi, lousing singba, mahei masingda mapung phaba meeoi ama oijarabasu, karigumba nahakna Christian oibagi punsi aduda anouba oirabadi, thawaigi oibaromda hairabadi, nahak angangni. Nahak apikpa angang ama oiri.”
Angang oibagi pukninggi ihul adugi matangda wakhal tousi. Angangsinggi pukning asi hongdok-hongjin tougalli haibasi nahak khangbra? Angang macha amana houna kanna kappa yai, adubu nahakna, “kapkanu, kapkanu,” haiduna laknaba matamda makhoigi maithong adu atoppa amada honglaktuna noklak-i. Adubu ngaihaktang hek leibaga, angang aduna amukka kaplakpa yai. Angang amagi pukninggi ehool asidi mapung marei pharaktri phaoba wanglaga yamna wangba aduga nemlagana kham thengna namba oi. Hairiba asiga mannana, thawaigi chaokhatpa asidasu tapna-tapna aphaba maikeiromda chaokhatlak-i, matamgi matung inna aphaba phibam amada leirak-i. Eikhoina asum-asum chaokhatlakpana, eikhoina thawaigi oiba lamchat-sajatta changchat amada leirak-i.
Adubu nouna pokpa asidi mathakta hairiba thouwong asigi ahouba amani, masina sargada eikhoibu matik mangalda onthokpiduna changdriphaoba chatthei. Awa-anang adudi nouna pokpa numit adudagi houduna sargada changdriba numit phaoba thengnei, mapham aduda eikhoina Khristada mapung phaba athanba oigani.
Pukchel sengba wapao sandokpa meeyoi amana haiba taba matamda eihak ningba kairammi, mahakna hai, “nakhoi pumnamak Jisuda lak u aduga nakhoigi samasya pumnamak kokkani.” Masi achumba natte. Eihakki punsi asi eihakna Christian oiraktri phaoba aruba oirakte, maramdi hairiba matam asi khaktada numit khudingmakki hakchang amasung thawai ani asigi marakta eihakna laan soknei.
Hairiba laan asi makha chattharammi maramdi nouna poklaba meeoi amagi thamoida yaoriba phattabagi panggal asi yamna kalli. Christian singgi luchingbasingna aruba paapta taba uba matamda eikhoina ngakloidabani. Eikhoida anouba punsigi panggal lei, adubu masi leire haidana eikhoigi hannagi oiba thabaksing pumnamak mangkhre haibadi leite (Galatians 5:16-26; Romans 6-7 da yengbiyu). Anouba pokpa asi ahoubani. Adubu masi ahouba khakta natte — masi ahouba adumakni. Masi eikhoina khangba khwaidagi maru oiba ahouba aduni.
Masigi wareng asi Ligonier ki wareng asidagi handokpani.