Meeyoibagi wakhal asi khwaidagi angakpa khutsemsinggi manungda maong amani. Khwaidagi chaoba supercomputer dagi henna mapanggal kalli, masina aruba hiramsing kokhalli aduga anouba anouba maru oiba potlamsing thijilli. Masina maram oiraga yamna nungaitaba adudi eikhoigi khannnanaba wakhal asi papna manghalli.
Noetic effects of sin haibagi wahanthokti meeyoibagi wakhal asi papna karamna manghanbage haibaduni. Eikhoina papna tabagi maramna, eikhoigi khannanaba amasung achumba maram pinanabagi pangal adu papna manghankhi. Mahousagi oiba eikhoi esa, nouna poktriba phibam asida eikhoigi wakhalsinggi asi yamna tamthina karigumba kharada aranba oiri. Eikhoigi papna maram oiraga Esorgi matangda oiba achumbasing adu namthaba maramna, sengdaba wakhal khannanaba Esorna eikhoibu thadokle (Romiya 1:28).
Esorbu nungsidabagi wakhallon leiba asi yamna tamthiba amani, haibadi papna leikha tahallaba Esorbu nungsiba phaodaba wakhal. Adubu masigi wakhallon gi mawong asi eikhoina Adam na pap khankhiba matamdagi oirakkhi. Eikhoigi mahousagi oiba papta leikha taraba phibam asida, Esorbu nungsibadagi henna yaningdaba amasung saoningba karisu leite. Eikhoina nouna poktringei matamda, yamna pangal thokna Esorbu nungsiba adu thinglammi aduga Khristabu nungsinaba mahakna piba yathang adu phaoba yamna arumba ama oirammi.
Eikhoigi wakhal asi papna amang ata thokhalli, adubu makhoi asi pungmang mangbadi oide. Christian oidribasingna tongan tonganba hiramsingda mayek sengna wakhal khanba ngammi. Non christian amana phaobada wakhal oiba aranbasing khangdokpa ngammi aduga Mathematics ta Ph. D phangnaba nahakna nouna pokpagi mathou tade. Papta taraba wakhal asina phaobada lousinggi oiba paokhumsing hiram kharada piba ngammi. Adubu Esorgi gunsinggi matangda lakpa oirabadi makhoigi touba ngambagi adu leikha takhi. Masigi hiram asida makhoigi pamdaba amasung asaoba adu yamna kanba maramna khwaidagi heithoi singthoiba mee aduphaobada khudi thi. Tasengnamak, mee amana mahakna tasengnamak khanglaba adubu yadaba matamda — Esor lei haiba – makhoi kayamuk hei singba oirabasu, makhoina paokhum piba kaya heirabasu makhoi Esorgi maphamdagidi lapthokkhi.
Miyoibagi wakhalgi matangda neinaba pumnamak asi masigi achumba asigi matung inna hougadabani: mahousagi oina, eikhoigi wakhalna keidounungda Esorbu nungside. Aduga masina Esorbu keidounungda nungsiba ngamloi, karigumba Thawai Asengbana matikka loinana thamoi adubu honghanduna anouba apamba mahakki maphamda pibidriba phaoba. Eikhoigi wakhal na Esorbu nungsiba ngamnabagi damakta eikhoi amuk hanna nouna pokpa mathou tai. Masi yaodrabadi, Esorbu tasengnamakki oina nungsiba adu leite. Aduna, evangelical Christianity ayambana khannariba mayamgi oiba wakhallon haibasi thajadabasingna Esorbu thi haibasi ekhoina yaroidabani. Mahousagi oiba meesingna Esorbu thide. Karigumba nouna poktriba mee amana Esorbu thirakpagumna oirabadi, Thomas Aquinas na haibagumna, makhoina thiriba adu Esorna piba ngamba khudol adudani adubu Esor masamakti natte.
Chumna Esorbu khangba asina Esorbu henna nungsibagi amasung mahakpu henna thagatningbagi achouba apamba pokkani.
Eikhoina nouna poklaba matung phaobada, Esorbu thingbagi punsi adu khudak adumaktada mangkhide. Nouna pokpagi mapalna eikhoibu ehan hanna Esorgi oiba hiramsingda yaroidoubagi mahutta mahakki oiba hiramsing da pukning thamhalli. Papki oiba lamchatki mammu adu eikhoida leihouba maramna eikhoina sargada matik mangalgi hakchang aduda onthoktriba phaoba leikhigani. Aduna Christian gi punsi asi sendoktuna chatpagi punsi khongchat amani, haibadi masida Esorbu eikhoigi wakhalna henna henna nungsibada chaokhattuna chatli.
Jonathan Edwards na hai madudi Esorbu thiba asi Christian punsigi khwaidagi maru oiba thabakni. Aduga eikhoina karamna Esorbu thigani? Eikhoigi wakhalsing asi sengdoknabagi damakta hotnabagi mapalna. Eikhoigi hakchanggi oiba ahongba haibadi anouba ning, anouba khuu nattraga anouba thamoi sindokpa asigi matengna Esorbu nungsibada chaokhatte. Asengba ahongba asi wakhalbu nouhallaba matungda khaktamak oi (Romans 12:1-2). Esorgi oiba lousingbu leppa leitana khangnaba hotnabagi mapalna anouba wakhal asi chaokhatli. Karigumba eikhoina tambiba nattraga tamsinba asi pamdrabadi, masina eikhoi asi kanbiba phangdriba mee amagumna makhoigi wakhalda Esor karisu mathou tade haina khalli haibadu tak ee. Asengba christian singna makhoigi wakhal khanbada Esorna palhanninggani aduga mahakki wakhalda Esorgi oiba hiramna thalhangani.
Eikhoigi wakhal apumba Esorbu nungsiyu haina Jisuna haibiba asi ningthijadra? Eikhoina nungsiba asida ehul khakta nattana wakhal su yaowi haibasi yam tattana khanba oide. Houjik matamgi oiba chatnabi asida, nungsiba asi yamna maru oiba amagum loude. Nungsibabu khanbagi matangda eikhoina yamna toina wari sanade — madugi mahutta nungsibada taobagi matangdana henna sannei, aduga hairiba asi khudongthiba amadagi oirakkhiba amagumna.
Asengba nungsiba eikhoigi ephamda echam chamna hourakkhiba ama natte. Masi eikhoina nungsiba mee adubu esana yajana khanba amani. Eikhoigi wakhalda laktana eikhoigi thamoida karigumba amtta changloi. Eikhoigi wakhal youhandana Esorna bu khangnaba eikhoina hotnarabadi, karigumba leitriba pot amabu eikhoina tannabani. Eikhoi asi pukning ithilna, entertainment na nattraga harao nungaibana maikei puramba yai, adubu eikhoi Esorbu nungsibagi punsidadi chaokhatloi — maramdi eikhoina khangdriba amada eikhoina nungsiba ngamloi. Wakhal yaodaba Christianity asi Chistianity ama natte.
Karigumba eikhoina Esorbu nungsiba pamlabadi, mahak asi kanano haiba eikhoina sengna khanggadabani. Esor asi kanano aduga mahakna kari toubikhre haibadu Esorgi waheidagi tattana thijinba aduga eikhoigi wakhal adu masida thamba matamda, mahaki matangda eikhoina henna bap taba ngamgani. Eikhoigi oiba mahakpu ekai khumnaningbagi apamba henna henna kankhatlakkani. Eikhoigi wakhalna mahakpu henna khangliba makhei, eikhoigi wakhalna mahakpu henna nungsinaba gidamakta tamjagani.
Eikhoigi wakhalna Esorbu nungsiba haibasi mahakpu wangna ekai khumnabani aduga mahakpu nollukpaga loinana mahakki matangda wakhal touba amasung khurumjabani. Eikhoigi wakhalna mahakpu henna henna nungsibada chaokhatpa matamda mahousagi oina eikhoina pamdaba amabu tounaba haibani madudi Esorbu khurumjaba. Eikhoigi lousinggi nungainaba khallaga Esorbu eikhoigi wakhalna thirabadi aduga mahakpu nungsiba amasung khurumba aduna pandam oibagi mahutta, mahakpu asengbamak nungsibagi oiba wahanthok adu eikhoigi wakhalna khangdre. Asengba Esor khangbagi wakhallondagi mahakpu henna nungsiba adu oi aduga mahakpu tagatpagi apamba adu henna phaowi. Eikhoina mahakpu henna khangliba makhei, mahak ais eikhoi ephamda henna matik mangal na thangani. Mahak asi matik mangalna henna thanba adu eikhoida upirabadi, mahakpu thagatchanaba, ekai khumnanaba, mahakpu khurumjanaba aduga haiba innaba eikhoibu chingbigani.
Masigi wareng asi Ligonier ki wareng asidagi handokpani.