Karigumba matamda eikhoina Anouba Walepnabada Thawai Asengbada baptise touraba mising nattraga Thawaina thanba mising adugi maramda paba matamda, makhoida thokliba thoudoksing adu chap mannaba amagumna thokpa eikhoina ui. Karigumba matamda thoudoksing asigi marakta yamna pikpa khetnaba leiba adugi maramda Bible na mayek sengna hairamde. Karigumba matamda yamna pikpa hiram machada khetnaba leiba adu khandoknaba hotnabada luna thok-i.
Makha chathadringeida, masigi wahangsi hanna hangsi: “Thawai Asengbada baptise touba” haiba asigi matangda Bible na kari haibage? Anouba walepnabada Thawaidagi pokpa — haibadi eikhoibu nouna pokpinaba, eikhoigi thamoigi phibam adu hongdoktuna eikhoibu thawaida hinghannaba Thawai Asengbana toubiba thabak — amasung Thawai Asengbada baptise touba ani asigi marakta khetnaba lei. Pentecost numit aduda Thawai Asengbagi baptise touba adugi maramda eikhoina pakhre aduga Pentecost numitki thoudok aduga mannaba maongda makha tarakpa numitsingda thokkhiba lei, hairiba thoudoksing aduda yaoriba mising adu Thawai Asengbada baptise toukhi. Eikhoina bhap taba adudi Thawai Asengbada baptise toukhraba mising adu hanana thajaba oiraba ngaktani amasung nouna poklaba ngaktani. Aduna, eikhoibu thawaida hinghalliba Thawaigi thabak amasung eikhoibu baptise toubiriba Thawaigi thabak ani asigi khetnaba adu eikhoina khanggadabani.
Singlup ayambasingna Thawaida baptise touba asi meeyoi amabu pangal happiduna christian gi thougalda amasung mission da mateng pangba asibuni haina thajanei.
Ariba Walepnabagi matamda Thawai Asengbana akaknana pangal happagi khudol asi purohitsing amasung maichousing amasung Mousi khaktada pirammi. Adubu Anouba Walepnaba matamdadi Esorgi meesinggi apumba aduda thabaksing touba ngamnaba mathaktadi pangal happi amasung semgatpi. Pentecost gi thoudok asi achouba yathangga yam naknana chatli haibasi khangminnasi. Jisu na hai “Adubu Thawāi Asengba aduna nakhoigi nathakta lāklaba matamda nakhoina pānggal phangjagani; aduga nakhoina Jerusālemda, Judiyā apumbada, Samariyā apumbada amasung mālemgi aroiba ngamkhei phāobada eigi maramda sākhi oigani.”“Thawai Asengbada baptise touba” haiba asina takliba adudi Jisu na singlupta pikhraba thabaksing adubu pangthoknaba Thawaina pangal happi amasung semgatpi haiba asini. Thawaina eikhoibu pangal happa nattraga baptise touba matamda, eikhoi asi Thawai Asengbada eruplabani; masi karigumba matamda Thawai Asengbana thanba haibagi wahanthok takpadasu sijinnei. Atoppa waheida hairabada, “Thawai Asengbana thanba” haiba wahei asi nungsiba nattraga hairaobana thanbada phongdokpa aduga mannaba maongdasu sijinnei — masida Esorna leibiba adu eikhoina khangi. Karigumba matamda Sastrana Thawaigi thabak adu thougal tounabagidamak pangal piba adudagi matangda haiba khak nattana, Thawai Asengbana leibiba adugi panggal lei haibadu khanghanba maongdasu haibi haina eihakna thajei.
Ligonier da Biblegi matung inba amasung theology oiba wahangsing hangnabagi damakta, ask@ligonier.org mail thabirak u nattaga facebook ta nattraga X ta message thabirak u.
Masigi wareng asi Ligonier ki wareng asidagi handokpani.