Anouba Walepnabagi matung inna, singlupki ahalsing asi singlup amagi luchingba amasung yengsinba oinabagidamak maru oiba thoudang lei. Singlupki wahal amagi thabak amasung thoudang asi Alexander Strauch na mahakki lairik Biblical Eldership aduda ningthijana taklammi: Singlupki ahalsing aduna singlup adubu ching-i [1 Timothy 5:17; Titus 1:7; 1 Peter 5:1-2], Esorgi Waheibu tambi amasung sandok-i [1 Timothy 3:2; 2 Timothy 4:2; Tita 1:9], aranba tambibasingdagi singlup adubu ngakthokpi [Pakhonchatpasinggi Thabak 20:17, 28-31], asengba thajabasingbu achumba wahei tambiduna thougatpi [1 Timothy 4:13; 2 Timothy 3:13-17; Tita 1:9], anabasinggi yumda chatpiduna haijabi [James 5:14; Pakhonchatpasinggi Thabak 6:4], amasung Esorgi waheigi matangda thoklakpa chamamnabasingbu wayenbi [Pakhonchatpasinggi Thabak 15:6]. Bible gi matung inba waheisingda haiba oirabadi singlupki ahalsingna singlup macha adugidamak senbi, yengsinbi, chingbi, amasung cheksinna yengsinbi.
“Singlupki Ahal” amasung “pastor” haibasi tongan-tonganba thougal makhal ani natte. John Piper na “Biblical Eldership” ki lairik adugi manga suba saruk aduda hairammi, makhoi ani asi chap mannaba thougal adugi tonganba wahei anini. Mahakna masigi maram ahum pirammi. Ahanbada, Pakhonchatpasinggi Thabak 20:28 ta singlupki ahalsing asi yengsinbibagi amasung senbibagi oiba “pastor gi thabaksing” adu tounanaba thougatpi.
Anisubada, 1 Peter 5:1-2 da singlupki ahalsing adu pastor amagi thoudangsu oiriba Esorgi yaosing adubu “senbinaba” thougatpi. Ahumsubada, Ephisa 4:11 da pastor sing asi tambiriba ojasinggi oiba kanglup ama oina hairammi, aduga pastor haiba wahei asi Anouba Walepnabada amuktang khak oina pallammi. Hairiba asina takli madudi pastor gi mapung oiba thoudang asi yaosing adubu tambiduna chinjak pijaba asini, masi singlupki ahalsinggi maru oiba thoudangni (Tita 1:9). Maram asina, Anouba Walepnaba asina takpi madudi “pastor” asi “singlupki ahal” gi atoppa maming amani. Singlupki ahal haibasi pastor ni , amasung pastor asisu singlupki ahalni.
Kanagumba kharana khallammi madudi Bible na singlupki luchingbagi makhal asi singlupki ahalsing/pastor sing gi mathakta “singlup yengsilliba” haina koubasu lei haina hairammi. Adum oinamak, bible na khudam piduna tak-i madudi “singlup yengsilliba” wahei asisu singlupki ahal amagi atoppa maming amani. Paul na Ephisa da leiba ahalsing adubu Pakhonchatpagi Thabak 20:17-35 da kainaramdaida iba chithi aduda “singlup yengsilliba” haina kourammi. Asiga mannana, Tita 1:7 ta yaoba “singlup yengsilliba” adusu pada 5 da sijinnaba “singlup ahalsing” aduga wahanthok mannei. J.B. Lightfoot na taramapan suba chahi chada hannana haikhrabagumna, khang heiraba ayambana makhagi waheising asi houjikti khanglak-i: “Hairiba waheising asigi matangda Esorgi maramda neinaba meesingna khangnarak-i, madudi Anouba Walepnabagi waheida Singlupki luchingba oina thougal touriba meesing adubu khetnaba karisu thamdana ‘bishop [singlup yengsilliba]’ (episkopos) amasung ‘singlupki ahal’ nattraga ‘presbyter’ (presbyteros)” (masi Strauch ki lairik adugi lamai 180 dagi louthorakpani) haina kouwi. John Piper na bible gi matung inba wahei sijinnaduna “singlupki ahal,” “pastor,” amasug “singlup yengsilliba” haina samjinna hairammi.
Anouba Walepnabada pastor gi thougal gi matangda amuk khaktamak hairammi (Ephisa 4:11). “Bishop/singlup yengsilliba” makhoi asina singlupki ahalgumna singlup adubu chalaiba nattraga yengsinba oina haibagumna, singlupki ahalsinggi thoudang asina singlup adugi Esorgi yaosing adubu cheksinna yengsinbi amasung thawaigi chinjak pibi. Eikhoina waroisin oina haiba yaba adudi Anouba Walepnabada “pastor” amasung “singlupki ahal” amasung “bishop/singlup yengsilliba” asi chap mannaba thougal oi haiba asini. Hairiba thougal asiga mannana Philippiya 1:1 amasung 1 Timothy 3:1-13 da “deacon” da haiba aduga loinana Anouba Walepnabada singlupki manungda thougal toubagi thabak asi singlupki ahalsing amasung deacon haina khaidokpa adu utli.
Masigi wareng asi Desiring God ki wareng asidagi handokpani.