Singlup Macha (Local Church) asi Khristagi mingda punbagi mapalna Jisu Khrista amasung Mahakki ningthou leibakki mee oiba adubu aphaba wapao sandokpagi amasung aphaba wapaogi chatnababising haibadi prabhugi chakkhang amasung baptism gi mapalna amana amagi mapham da sak taknanaba amasung yengsinnanaba, chang naina pulliba thajaba singgi kanglup adubuni. Hairiba asi khara sang-ngi haiba ei khanggi, adubu mathakki wahei pareng asida yaoriba hiram manga adu yengbiyu:
- Thajabasinggi kanglup;
- Chang naina pullibasing;
- Amaga amaga sak taknanabagi amasung yengsinnabagi thoudang loubagi thabak touriba thajabasing;
- Khristagi mingda punbagi mapalna taibangpanbada Khrista amasung Mahakki ningthou leibak adubu sak taklibasing;
- Mathakta pankhraba hiramsing asigidamakta wapao sandokpa amasung singlupki chatnabisingbu sijinnaba.
Pastorna amana matei manao oire haina laothokpagi mapalna nupa amasung nupi amana matei-manao oibagumna, mathakta piriba hiram manga asida akonbagi hiram mari asina ahanba hiram asida palliba, mapham amahektada matam lenminnaduna pulliba echam chamba thajabasinggi kanglup asibu singlup macha amada onthok-e.
Thajabasing punminnabagi mathou taba asigi maru oiba maramsing yamna lei. Maram ama hairabada, thajabasing punminnabagi mapalna eikhoi kanagi michangno haiba adu Christian oikhraba eikhoina “mayam mamangda thoktuna” meesingbu khanghanbani. Singlup macha asi eikhoigi tungda lakkadaba ereibak adubu houjikki matam asida meesinggi mamangda sak takliba mapham nattraga Embassy amani. Amasung hairiba thajabasing punminnariba mapham asidani eikhoigi ningthougi maphamda eikhoina khurumliba asisu. Taibangpanda leiriba Esorgi yeknabasingna eikhoigi maiyokta leiba yai, adubu Esorna leibak khudingmaktagi Mahakpu khurumjanaba Mahakki meesingbu kouthokpi. Mahakna mahakki matik leiba mising sembigani.
Thajabasing punminnaba asidani eikhoigi ningthouna Mahakki chatna pathapsing adu wapao sandokpa, singlupki warakpiba, amasung Prabhugi chakkhang aduga baptism gi mapalna lingkhatliba asisu. Aphaba wapaobu sandokpagi mapalna eikhoigi ereibakki “chatna pathap” adu mayek sengna tak-i. Masina eikhoigi ningthougi minglen adu laothok-e amasung eikhoigi ningthou oinanaba mahakna katthokkhiba eratpot adu mayek sengna tak-i. Masina eikhoida mahakki lambising takpi amasung eikhoigi haiba indabadasing adubu mayek sengna eikhoigi emangda puthoktuna khanghalli. Aduga Mahak amuk hallakkani haina eikhoida tattana thajaba pibi.
Baptise touba amasung Prabhugi Chakkhanggi mapalna, singlup na eikhoigi ereibakki phiral adu haiduna sak tak-e. amasung Christian lanphijet adu eikhoibu sethalli. Masina eikhoibu misingna uba yabasing oihalli. Baptise toubagi mapalna Mapa, Machanupa amasung Thawai Asengbagi ming aduda eikhoi esaga loinana sak takchabani, asikhaksu nattana eikhoi asi Khristaga loinana Mahakki siba amasung hinggatpa aduda amatta oire hainasu takpani (Matt. 28:19; Rom. 6:3-5). Prabhugi Chakkhang phangbagi mapalna Mahakki siba amasung Mahakki hakchanggi kayatsing eikhoi oire haiba adu laothokpani (1 Cor. 11:26-29; cf. Matt. 26:26-29). Mahakki meesingbu khangba amasung makhoibu taibangpanbadagi tonganna thamba asi Esorgi apambani. Singlup amasung tabangpanbagi marakta khetnabagi lei-e chingba asi Mahakki apambani.
Singlup macha haibasi karino? Singlup macha haibasi Ningthou leibakki aphaba wapao adu sandoknaba, aphaba wapaoda thajarabasingbu mayek sengna khangdoknaba, sebok oibagi punsida eikhoi masel yengsinnanaba, amasung sasinnaba thajabasingbu masak takthoknabagidamak Jisuna sembiraba amasung matik pibiraba thajabasinggi oiba loisang adubuni. Aduga hairiba asigi maru oiba wahanthok adudi, eikhoina leikaigi sangsthan ama yaobagumna singlup ta “yaogadaba” natte. Eikhoina Singlupki makha pongadabani.