Audio Transcript
Eikhoigi podcast tariba Nathan kouba miyoi amana haijabagi maramda wahang hanglammi: “Pastor John, lakliba 2016 asida eigi haijabagi punsida thawaina thanba uba ei pamjei. Eihakna misingda makhoigidamak haijari haina eihakna haiba matamda thammoi sengna haiba ei pammi. Haijabagi matangda theological oiba aphaba lairik mayam pakhre, adubu maru oina atoppa misinggidamak, eigi nupigidamak, angangsinggidamak, manglibasinggidamak, luchingbagidamak, marupsinggidamak, anabasinggidamak, amasung atoppa hiramsinggidamak haijanaba thabak oina touba yaba paotak natraga pambei amahekta eihakna khangba pamjei. Eigi haijabagi punsi asi nouhannabagidamak nahakna hainingba kari leibage?”
Haijanaba Koubi
Masigi wahei asi haibada yamna laiba malli, adubu eina thengnarakpadadi, eigi yamna laiba thoudang adu Esorgi waheida echam chamna mayek sengna takpiramba aduga loinana unaba tasengna pukning thougatpiba pangal ama lei — eigi thoudang ama lei haibadu mayek sengdana khangbagi mahutta — Bible haiba adu mayek sengna ubada pangal pibi. Aduna, Nathan amasung eikhoi esamakta mateng oinabagidamak wari makha taba hourasi, maramdi mahakna hairiba asi eikhoi pumnamakkisu apambani.
“Esorna eikhoida haijanaba haibi, amasung karamna haijagani haina eikhoida khudam mayam ama pibi.”
Nathan na khangningliba asimak Bible na yaba amani; maming oina hairabada, atoppa misinggidamak chang naina haijaba. Hairiba asigi matangda akaknaba maongda mayek sengna piramlaba yathangsing amasung khudam mayamsing aduga loinana yenggani. Khudam oina, Jacob 5:16 gi yathang: “Nakhoigi anaba phahanbinaba nakhoi amaga amaga pap haidoknaduna amana amagidamak haijaminnou.” Aduna Nathan na Esorna mangonda touhanningba aduga loinana mahakki apamba adu masigi pada asida hairiba adumak oinaba thouna leigadabani. Haijou. Atoppa misinggidamak haijou. Amana amagidamak haijaminnou.
Pada asida hairiba “amaga amaga” haiba asina takliba adudi nahakka naknariba mising adugidamak nahakna sung-soidana haijagadaba mising aduni. Makhoigidamak haijabiyu. Asumhaina haijaba asina Esorbu pelhalli. Masimakni Esorna eikhoida tounaba haibiriba adu: asumhaina haijabana mahakpu pelhalli. Aduga masina eikhoida pukning lumba, nungsiba, nungaiba phaohalli, madudi eikhoina kanagumba amagidamak eikhoigi khuru kunjaba amasung wanombiba matamda, Esorna eikhoida momon nokpi, maramdi Mahakna tounaba haiba adu eikhoina touwi.
Atoppasinggi Matou Tamba
Eikhoida yathang oina tounaba khaktang piba nattana, Esorgi waheida khudam piduna takpasing yaowi, khudam oina Paul na mahakki machin manaosinggidamak haijaba adu Esorgi waheida yaowi, “Eigi echin enaosa, eigi thammoigi pamjaba amasung Esorda Israel gidamak haijabadi makhoina kanbiba phangba asini” (Romiya 10:1). Adukki matik ningthijei. Paul na thammoi sengna mahakki Mapagi maphamda mahakna kanbiba phangba pamba mising adugidamak haijabiba adu urubada kaya yamna madugi pada aduna eibu thougatpi haibasi ei haidokpa phaoba ngamde.
Aduna mathakta hairiba pada asi taba khaktada pukning thougatli amasung thouna happi — eikhoida Paul gumna haijanaba pangal happi. Mahakna pada asida Esor thajadabasinggidamak haijei, adubu mahaknasu thajabasinggidamak Ephisa 1 amasung Ephisa 3 amasung Colosiya 1 amasung Philippiya 1 da haijei. Hairiba prathana asi Paul gi yamna ningthijaba prathani.
Eihakna Nathan amasung eikhoi pumnamakta thougatchage: Paul gi haijabasing aduda wakhal munna tou amasung madugi matung inna haijou. Philipiya 1 da yaoba haijabagi khudam adudi: “Lousing amasung apha-phatta khangba pumnamakta nakhoigi nungsiba adu henna henna hengatlaknaba eina haijari; masi nakhoina khwaidagi henna aphaba adu khangba ngamnaba, aduga nakhoi Khristagi numit laktriba phaoba asengba amasung amakpa leitanabani” (Philipya 1:9-10).
Eihakna atoppasinggidamak haijanaba Paul gi prathanasing asida thoidok hendokna mamal leina eibu pukning thougatpi haiba adu eihakna khangjare, masina eihakna karamna haijagani haiba adu eingonda utpire, eingonda chumthokpire. Hairiba asimakni eihakna eikhoi mayamda Paul na haijaba maong adu eikhoinasu haijagadabani haina pukning thougatchaningi, eikhoina mateng pangba ngamdrabasu asumna atoppa misinggidamak haijagadabani.
Atoppasingbu Haijanaba Insinba
Paul na mahakki chithi paribasingda mahakkidamak haijanaba haibi. “Aroibada echil enaosa, nakhoida oikhibagumna Ibungogi wa adu thuna sandokkhiduna matik mangan chaonaba, aduga eikhoibu wakhal leitaba misingdagi amasung phattaba misingdagi kanbinaba eikhoigidamak haijabiyu. Maramdi mi pumnamakna thajaba natte” (2 Thessalonians 3:1).
“Ephisa 1 amasung 3, Philippiya 1 amasung Colossiya 1 da Paul gi prathana aduda wakhal tou amasung madugi matung inna haijou.”
Aduga Romiya 15:30-31 dasu hai, “Eigidamak Esorgi maphamda nakhoi eiga loinana kanna haijaminnanaba eikhoigi Ibungo Jisu Khristagi mapanna amasung thawai asengbana nungsibibagi mapanna eina echil enao nakhoida haijari, madudi Judiyada leiba Esorbu thajadaba misingdagi eibu kanbinaba amasung Jerusalem da leiba asengba misingna mapham aduda eina thougal toujaba adu yabinabani.”
Eihakki oina, houjikphaoba hingliba misinggi marakta Khwaidagi phaoba oiriba Paul na, mahak Jisudagidi hanthei, mahakkidamak haijanaba asumhaina hangba maong asina thouna yamna happi amasung minungsi phaohalli. Masina eibu khuru khudak kunduna amasung kanagumba amagidamak haijahanningba phaohalli, maramdi Paul na mahakkidamak haijaba mathou tarabadi, mahakna singlupsingda haijanaba hai — eikhoi khudingmaknasu asigumba prathana asi mathou tai.
Aduna, eihakna khanjei madudi eihakna hainingba khwaidagi pukning thougatpiba hiram adudi Esorna eikhoida haijanaba takpi, aduga eikhoina karamna haijagani haiba adusu mahakna Bible da khudam mayam ama pibi. Mahakna khudamsing adu eikhoina yengba pammi, maram asigidamaktani Phongdokpiba 5:8 na Esorgi nungsiba manam oiriba mektruksingna thallaba sanagi tenggotsing paiduna haijaba adugi matangda sandokna takliba adu.
Nungsiba manam aduna Esorgi mangda kari toubage? Mahakki ka adu apenba nungsiba manamna thalli. Masini nungsiba manamna touba adu. Nahakki khuru adu kunduna asumna haijabagi saktam adu kayada ningthijaba oigani: Houjik eihakna nungsiba manam chenba thoumei natraga candle than’gadouri, aduga ngasigi nungthin natraga ayuk asida nungsiba manam asina sargagi ka adu nungsiba manamga loinana thangani, masi Esorna penjaba ama oigani.
Echam Chamba Haijabagi Paotak Taret
Mathakta haikhrabasing asi eihakna hainingba khwaidagi maru oiba hiram aduni, adubu masi Nathan na hanglakpba wahang adugi paokhumdi natte. Mahakna paotaksing hangbani. Mahakna kari aphaba touba yaba leibage hangbani. Aduna eihak houjik paokhum pijarage. Eihakna akaknaba maongda marik chumna pijage. Tasengna eihakna pigadouriba asi Bible da akaknana hairamba natte, maramdi paotaksing asi Piper na tourakpasing aduni, amasung masimakni asengba thajabasingna amana amagidamak tougadouriba asi. Eikhoina thijinduna khangbasing adu atoppadasu haigadabani.
1. Haijabada Pareng Naina Ithokpa Hiramsing Sijinnou.
Haijabada Pareng Naina ithokpa hiramsing sijinnou, aduga kanglup naina khaidok-u. Eikhoina houjik wari sannariba asi misinggi maramda natra? Nahakki ahenba matam adu mising henna khangnaba hotnou, nangonda haijanaba hangaknaba mi henna leihallu. Nahakna haijabagi mari thambasing adu henna chaokhatlakkani, adu oirabadi hiram amakhakna haijaba yaroi. Nahakna haijabagi hiram adu hiram macha machada, kanglup naina khaidok-u.
Eihakna eigi Ipad yaoba Evernote apps ta notebook ama semlammi, eihakna notebook adu prayer haina maming thollammi. Prayer notebook adugi makhada, eihakna haijanaba hiram tongan tonganba makhalgi kanglupsing hapchillammi, amasung nahakna maduda mising mayam ama happa yai, aduga nahakna hairiba mising adugidamakna haijaba matamda karamba hiramda haijagani haiba adu khanba yai. Aduna haijabada pareng naina ithokpa hiramsing sijinnou.
2. Mathang Manao Naina haijou
Nahakna haijaba houba adu yamna naknana mari leinaba mising adudagi wakhal touduna haijou, mathangda nahakna khangdriba kanglupsing amasung thougal touribasing amasung jattisinggidamak haijou. Khudam oina, Evernote ki folder manungda eikhoi emunggidamak haijanaba semmi — madudi eikhoi mee ahumni, tasengnamak houjikti ani oire, maramdi Talitha di college ta mahei tamduna leikhre. Adubu masida eikhoi ahumdi oigadabani.
Mathangda eihakki enaktagi lapna leikhiba angangsing amasung esusinggidamak haijei, mathangda eihakka loinana thougal touminnaribasinggidamak amasung Bathlehem Baptist Church ki misinggidamak amasung desiringGod.org amasung Bethlehem College & Seminary gidamak haijei. Eihakna haijaba mi masing mayam ama eingonda lei.
“Nahakna haijaba matamda nahakki yamna naknaba mari leinaba mising adudagi houduna jatti apumbagidamak haijou.”
Mathangda eihakna khangba amasung Khrista henna tansinjabada saruk punna phangminnaba singlup lingkhatliba mising adugidamak haijei. Adudagi Together for the Gospel amasung The Gospel Coalition amasung Training Leaders International amasung eigi haijabagi pareng aduda yaoba marup mayamsing adugidamakta haijei.
Mathangda eigi yumlonnabasing amasung yumlonnabagi notebook aduda isinkhraba mi khara adugidamak haijei, aduga karigumba matamda eihakki jogging-evanggelism adugidamak haijei, masi eihakna aying-asa phaba matamda tourmmi. Eihakna mi thengnagani aduga makhoina eingonda makhoigi mingsing hairakkani, aduga eihakna makhoida eihakna karigidamak haijaba yabage haina hanglammi aduga eigi haijabagi pareng aduda hapchilli. Aduna eigi haijabagi parengda tongang-tonganba hiramsing yaoriba adu eihakna mathang manao naina sindoktuna asumhaina haijei.
3. Esorgi Wahei Sijinnou
Esorgi waheigi matung inna mathakta pankhraba mising adugidamak haijou. Masina nahakna chap mannaba hiram adu hanjin hanjinna haijabadagi lapna leihangani. Ahanbada Esorgi wahei adu pao. Maduda wakhal tou. Mathangda mising adugidamak Esorna waheidagi utpiraba adugi matung inna haijou, masi madugi numit adugidamak haijanaba khandoklabani.
4. Nahakna Haijariba Hiram Adu Chang Yengu
Nahakna makhoigidamak haijariba hiram aduga Anouba Walepnabada haijanaba hairiba hiram aduga chang naina chang yengu. Eihakna haijanaba hiramsing adu mapham amada pullap semmi — eihakna khalli madudi hiramsing adu phanglamgani. Tony, eikhoina madu thisi, madu phanghallu. Eihakna khalli masi Desiring God ta phangi. Anouba Walepnabada haijanaba hairiba hiram pumnamaksing adu eihakna mapham amada pullap semduna thamle — tongan tonganba haijabagi hiram 40. Eihakna haijanaba semliba hiramsing adu numit khudingmakki haijade, adubu chang naina. Eihakna maduda hanjin-hanjin yengduna hai: Eihakna Anouba Walepnabada haijanaba hairiba maru oiba ama hekta thouwoidaba yaobra?
5. Mayamgi Oiba Amasung Akaknaba
Mayamgi oina haijaba aduga akaknana haijaba aduga punna chatminnou. Mi ayambana mayamgi oina haijaba asi kigali. Eihakna mayamgi oina haijaba asi yamna pammi. Khudam oina: Nahakki ming adu taibangpan apumbagi mathakta asengba oisanu. Masi yamna chaoba, mayamgi oiba haijabani. Akaknana haijaba asisu yamna maru oi. Akaknana haijaba haibasi asumna oiba yai: Handakki hapta asida Bill da thabak ama pinabiyu. Prabhu, mahakna thabak kanna thijari. Mahakki thabak asi phangjabada nahakna mateng pangbiyu. Masi akaknana touba haijabani.
Nahakna touriba prathana aduda paokhum adu thuna khumbiba nahakna ugani. Mayamgi oina haijaba asina asumna oiba yai: Prabhu, Bill na pot khudingmakki mathaktagi henna nahakpu henna nungsihanbiyu amasung Nahakpu tanjabada pangbiyu. Masi khangbada yamna wana thok-i, chumbra? Adubu masi nahakna haijabada yamna maru oiba amani.
6. Tuminna Wakhal Toubagi Matam
Haijagadouriba mising adugidamak munna wakhal tou amasung mising adugidamak ngasi darkar leiba adu Esorna nahakki wakhalda pibirakpra haibadu yengu, madugi matungda nahakki wakhalda Esorna akaknana pibirakpa adugi hiramsing aduda haijou.
7. Paokhum Thiyu
Aroibada, eihakna haijaningba adudi: Paokhum thiyu. Paokhumsing adu khangjillu. Paokhumsing adu isinduna thammu, nahakki journal da oiba yai natraga atoppa folder da oiba yai: paokhum. Haijaba matamda nouhanduna leihanba amasung achumba oiribagi maramdi wahei amagi mathangda wahei ama adugi matung inna haijabagi maramnani, madudi Esorgi wahei asini. Masi yamna maru oi haina eina louwi, adubu eikhoinadi chang naina hanjin hanjin haijaba pamde. Eikhoina chang naina matam ngakna hanjin-hanjin haijaba pamde. Adubu masi tounaba khwaidagi aphaba lambi adudi Esorgi wahei aduna numit khudingmakki nouhanba asini amasung numit khudinggi misinggidamak nahakna haijaba adu Esorgi waheina nouhanba asini.
John Piper (@JohnPiper) asi Desiring God ki founder amasung oja amani aduga Bethlemhem Baptist Church ki chancellor amasuni. Chahi 33 chupna, Minneapolis, Minnesota da leiba Bethlehem Baptist Church ki pastor oina thougal touri. Mahak asi lairik 50 gi mathakta eekhraba ayibani, masida Desiring God: Mediations of a Christian Hedonist aduga ekui kuidana Foundations for Lifelong Learning: Education in Serious Joy gi ayibani.
