Christian mama mapa singna makhoigi machasingna makhoigi haiba inba mathou tai haibadu khanghannaba eihakna masigi wareng asi ijabani. Angangsingna makhoigi mama mapasinggi haiba indaba uba, aduga makhoinasu machasingbu waraktaba adu uba matamda eihakna masigi wareng asi iningkhibani. Mama mapasingna angangsingda anirak natraga ahum phamnaba natraga lepnaba aduga laknaba natraga chatnaba hai, aduga ahumlak suba oina haiba illaktaba matamda, angang aduna touraknaba karigumba potsak ama pi. Asum haina touba asina aphaba oirakpasu yai natraga oiraktabasu yai.
Houkhiba haptada, masigi wareng asi inaba insinbikhiba thoudok anikhak eihakna thengnajei. Ahanba asidi California gi Santa Rosa da leiba chahi 13 suraba Andy Lopez na mahakki nongmei adu police lomda onsinba aduda police na makhoida kapladaboi ningduna mahakpu hatkhi. Mahakki nongmei adu sanapot ki nongmei oiramkhi. Hairiba nongmei asi maru oiribagi maramdi angang asina pairiba nongmei adu makhada thamnaba police na anirak haikhi. Makhada thambagi mahutta nongmei adu makhoida oina onsinkhi. Maduda makhoina nongmei kapkhi.
Madugi thoudok adugi maramda nattraga Andy na police ki wasing adu takhibra haiba eihakna mamut tana khangde. Aduna, mahakna haiba inkhidabra haibadi eihakna sengna haiba ngamde. Aduna, eihakna hainingliba asi angang oiriba Lopez ki matang da maru oina natte. Adubu “karigumba oiramba tarabadi” haibasigi matangdani. Karigumba police na mangonda hairakpa adu taraga echam chamna makhoina haiba adu indaba oramba tarabadi? Karigumba masi chumlabadi, mahakki punsi manggani. Asigumba asi niyam naiba sarkargi haiba indabagi pipham thokpa mamal ni.
Thoklakkadaba Yamna Nungaitaba Thoudok Ama
Houkhiba haptada eihakna plane tongba matamda yamna nungaitaba thoudok oihallakpa yaba thoudok ama eina urammi. Police na macha adubu nongmeina kaphannaba mama aduna thourang touba adu eihakna urammi.
Chahi taret muk suraba nupamacha amasung mamagi matungda eihak phamlammi. Nupa macha aduna phone sannaduna leirammi. Flight paikhatnabagi damakta flight attendant na phone sing mutthatnaba hairakkhi. Mahaknadi muthatlamde. Mahakki mamana mangonda karisu hairamde. Flight attendant na mahakki manakta laktuna mahakna sijinnariba phone adu muthatnaba haikhi. Mahakna mutthatlamde. Mama aduna karisu hairamde.
Aroiba oina, flight attendant aduna makhoigi manakta leptuna angang aduna sijinnariba phone adu mamada pinaba haikhi. Mahakna muthatkhirammi. Flight attendant aduna mahakki phamphamda phamthakhraba matungda, angang aduna phone adu amuk thagattuna flight paikhatpa matam adudasu sijinnarammi. Mama aduna karigumba amatta touramde. Ei esa etomta khanjakhi, police na mahakki macha asibu nongmeina kaphannaba mahakna tambiri.
Mama-mapana Pangna Angang Loinabadagi Kanbiba
Haiba indaba amasung atanba thajadriba mama-mapasinggi oinadi eihak bhap tai. Thawaida mit tangba meesinggi lamchat adudi eihakna bible gi matung inna haiba ngammi. Adubu Thajaba mama-mapasingna makhoigi thoudang thouwoidaba asina eihakpu chamamnahalli.
Mama mapasingna waraktaba amasung machasingna makhoigi haiba indaba asi karina oihanbage? Eihak chap channa khangde. Adubu apangba mama mapana tanna angang loinaba adudagi kanjanaba hiramba mapan asina mateng pangba yai.
1. Angangsingna makhoigi mama mapagi haiba ingadabani haina bible na yathang piba aduda mama mapasingna angangsingbu haiba ilhan’gadabani haiba yathangsu nakoinana yaowi.
“Agangsingna Ibungoda nakhoigi nama napa gi haiba illu, maramdi masi achumbani” (Ephisa 6:1). Esorna angangsingda mama mapagi haiba innaba yathang pi, adum oinamak mama mapasingna angangsingbu haiba inhannaba hotnadrabadi karisu kannade. Angang singgi maphamda matik mangal gi haraoba, Esorna thambikhraba matiksing aduda pisinduna hingnabagi thawai leinaba tambiba haibasi eikhoigi thabakki. Mama mapasingna pikliba angangsingda Esorgi mahut silli, amasung angangsingda Esorgi yathangsing natheinaba tambiba asi yamna khudong thiningai oi.
2. Haiba inba asi anouba-walepnabani, aphaba wapaogi sarukni.
Haiba inba asi “ayin ga mari leinaba” khakta natte. Masi aphaba wapaogi sarukni. Paul na hai madudi mahakki aphaba wapaogi pandam asi “thajabagi haiba inba aduda puraknabagidamaktani” (Romiya 1:5). Mahakna haikhi, “atoppa jatsingbu haiba ilhannaba waheida amasung thabakta Khristana eigi eepanna toukhiba thabak adu nattana eina karigumba amata thouna phana haidokloi” (Romiya 15:18).
Paul gi pandam adudi “wakhal khudingbu Khristana haiba ilhannaba phadokkumna purakle” (2 Corinthiya 10:5). Singlupna thabak oina touba adu mahakna pammi madudi “eikhoina chithi asida hairiba wa asi kanagumbana indrabadi mee adu masak khangjillu, aduga mahakna ikainaba mahakka tinnaganu” (2 Thessalonikiya 3:14).
Esorgi khandoklaba matik leibasinggi haiba innaba angangsingda mama mapana tambidrabadi, Esorgi waheigi matung inna hingba punsidagi lapthoknaba makhoibu thourang touhallibani — hairiba punsi mahing asi nakhoina thajariba aphaba wapao adudagi lapthokpa punsi aduni.
(masigi tambiba asi kayada maru oibano haibadu kanagumbana chammamnarabadi, Wayne Grudem gi “Pleasing God by Our Obedience: A Neglected New Testament Teaching” in For the Fame of God’s Name, edited by Justin Taylor and Sam Storms” haiba lairik asi wakhal khanbaga loinana chanbiduna pabiyu.)
3. Angangsingna haiba ilhanba oithok-i.
Haiba indaba angangsinggi mamangda Mama mapa singna makhoigi machasingda karisu touba ngamdabagi matou adu uba matamda yamna nungsiningai oi. Angang singna haiba inba haibasi Esorna pammi maramdi mama mapasingna agang adubu haiba innaba takpiba asi oithokpa amani. Chahi amagi makhada leiriba anganggi maphamda makhoina thengloidaba, chikloidaba, chinggoidaba, thilloidaba, tin sitloidaba natraga laoroidaba adu mama mapa singna mayek sengna tambigadabani. Makhoidagi nahakna henna panggal kalli. Nahakki pangal adu angangsingna masagi khanbaromda laknaba nattana, makhoibu haraobada puraknaba sijinnou.
4. Hiram machasingdagi houna angangsingbu haiba innaba yumdagi takpiba hougadabani, masigi mapalna mayam mamangdasu maru oiba hiramsing aduda haiba illaknabani.
Mayam mamangda angang singna phana-punaba ngamdribagi maram asi makhoibu mayumda haiba innaba takpi tambiraktabagini. Masi thokpagi maramdi hiram macha-machasingda warakpa kannade haina khanbagini. Haiba inningdaba angang aduda matam amasung pangal changna hainadoi saruk eikhoi esana toujabana henna phei haina khalli. Adubu masina maram oiraga haiba inba asi illasu yaba natraga indrasu yaba oina uhanduna angangsingda tambiribani. Yumda haiba innabagidamak chang naina tambiba asina nakhoigi angangsing adubu mayamgi mamangda nungaijabada mateng panggani.
5. Haiba inba tambinaba gidamakta hotnaba changee, aduga masi mamal leiba amani.
Karigumba angang aduda nahakna phamungda leiyu haina haibada mahakna karisu tadana hougatlakpa tarabadi, nahakna hougatlaga mahakki haiba indaba adugidamak warakpa asidagi nahakki phamungda chango haina haibana henna lai. Mama mapa singsu chokthei. Hairiba asi eihaksu bhap tai. Chahi niphu chupna, eihakna chahi tara nipangi makhada leiba angangsing loinaduna lakli. Haiba innaba takpi tambiba asida hakchang amasung pukning gi oiba ehoolgi pangal changee. Angang singna makhoi masagi apamba adu tounaba thathokkhiba asina henna lai.
Masigi maheidi karino? Maru oiba matamda lakna-phanaba ngamdaba machasing oirak-i. Angangsingna makhoigi apamba karamna phanggani haibadu khangle. Mama asi pangal leitre amasung mapa asi yamna laina sanaba yaba oire. Nakhoina saorakkadoure haibadu makhoina khangi. Aduna, makhoina atenba matamgi oina nahakki wa haiba inde. Masina mayamgi maphamda asinba mahei palhalli. Adubu, haiba indaba khudingmaksing adu chumthok hourabadi masina mama mapada, angangsingda amasung ateisingda athumba uhei palhalli.
6. Miron kayadagi thangtharaklaba phattaba heinabi adu nahakna thingba ngammi.
Mama mapasingna angang waraktabagi maram amadi makhoina keidounungda uraktabagi maramnani. Makhoina imung makhal anida chaorak-i: madudi tuminna leisinba amasung saoganba. Makhoi asi saoganba mama mapa oiba pamde haibasi makhoina khangi. Aduna makhoina masigi onna-teinabada tuminna leisilli. Masida aphaba wapao lei: masina honghanba ngammi. Mama mapa oibasingna Bible dagi amasung asingba meesingdagi kari-kari touba yabage, Esorna kari yathang pibage, amasung matou karamna madu tougani haiba adu khangheiba, chetna leppa, nungsiba, amasung aphaba wapaoda yumpham oibaga loinana tamgadabani.
7. Thoujal heina angang loinaba asina angangsingna mapanthongda haiba inbagi mahutta haraona inningna illi.
Thajabagi mapalna haiba indringei mangoinana makhoina hanna haiba inba tamba mathou tai. Makhoina thajaraklaba matamda, makhoina kibadagi amasung dandi phanggani khanbadagi amasung ikai khumnabadagi tamlakkhibasing adu mahousana makhoigi thajaba adudagi haiba illakpa oigani. Angang aduna thajaraktringeida haiba inba tambidaba asi apangbani. Angang waraktaba asina konnathangda manghallakkani. Masina maram oiduna haiba indaba asi aruba heinaba oihalli, masina maram oiduna thajaba asina ngambagi mahutta haiba indaba asi laan soknaba mathou tare.
8. Mama mapana haiba inba tambiba angangsing adu haraowi.
Angang ningthina waraktaba mama mapana thoujal heiba, nollukpa angang puthokte. Masina lamhenba angang puthok-i. Atoppa meesingdasu nungaihande, makhoi masasu nungaite. Makhoi asi ningai chaoba amasung thaksi-khasi khangdaba angangsing oi. Makhoigi “ningkha tamba” asi makhoida amasung atei atoppasingda bor oide. Nou yaodaba higumna makhoigi ningtamba asi areppa leite. Makhoina masagi pukninggi apamba aduda touwi. Houjikmak natraga konnathangda, hairiba apambasing asigi matam loirakkani. Masina awaba thokhalli. Nattraga siba yaba mawongda police singga thengnei. Maduna sathiba khudong thibasing thok’halli. Natraga police ka marei sangdanaduna siba phaoba thok’hanba yai.
9. Haiba innaba tambiba asi mapung phanaba tambiba natte
Mama mapasingna angangsingda Esorgi mahut sinba matamda — maru oina makhoina aphaba wapaoda Esorbu thajabagi mapalna khangdringeida — eikhoina makhoida achumba wayen amasung minungsi utpiribani. Haiba indaba khudingmak dandi pide. Khara amadi asoibadu khangjilli, aduga chumthokpi, aduga thadokpikhi. Masigidamak chap chaba niyom nitidi leite. Aphaba wapao gi Esor asi tumhanba meini (Hebrew 12:7;29) amasung mahak asi akhang kanba amasung saobada tappa Esorni (1 Timothy 1:16) haibasi eikhoina mama mapa ama oina angang warakpadagi anangsing aduna tamjagadabani. Masigi hiram anisida — haibadi warak watemba amasung akhang kanba — asida pandam adudi yamna thuna, haraona, mapung phana haiba inba aduni. Madumakni Khristada Esor khangba asina oihallakliba asi.
Mama mapasa, masi nakhoina touba ngamgani. Masi yamna waba matamni. Eihakna masigi hiram asida eihakki punsigi saruk tangkhai henna thadakhre. Adubu masigidamak Esorgi thoujal lei, aduga nahakpu marang kaina Esorna mana pibigani.
John Piper (@JohnPiper) asi Desiring God ki founder amasung oja amani aduga Bethlemhem Baptist Church ki chancellor amasuni. Chahi 33 chupna, Minneapolis, Minnesota da leiba Bethlehem Baptist Church ki pastor oina thougal touri. Mahak asi lairik 50 gi mathakta eekhraba ayibani, masida Desiring God: Mediations of a Christian Hedonist aduga ekui kuidana Foundations for Lifelong Learning: Education in Serious Joy gi ayibani.
Masigi wareng asi Desiring God ki wareng asidagi handokpani.