Karigidamakta Esorna Ariba Walepnabagi meesingda anouba sadonggi thamoi pibigani haina wasaklibano?
Eikhoigi mahousagi oiba phibamdi nunggi thamoi palli, masina hairiba adudi eikhoina Esorgi oiba hiramsingda sire haibani. Thawai Asengbagi mapalna nunggi thamoi adu sadonggi thamoi onthokpiduna eikhoibu nouna pok’hanbiba matamda, eikhoi hingle. Masida chamamnaba thokpadi yai maramdi Anouba Walepnabada “hakchang” haiba wahei asi eikhoigi papki oiba magun adu takpada sijinnei. Aduna Ariba Walepnabada —nakhoina phanglaba adu — “nongma makhoida Eihakna papki magun happigani” haina Esorna haiba natte, adubu madugi mahutta mahakna hairiba adudi Mahakna thamoigi phibam adu hongdokkani haibani. Bible na mayek sengna haiba adudi Anouba Walepnabada oibagumna, Ariba Walepnabada yaoriba mising adusu Thawai Asengbagi pangalna nouna pokpi. Hairiba asigi matangdani Paul na Romans 3 amasung 4 da hairiba adu, masida mahakna Abraham adu chumhanbiraba amasung Thajaba ama oina khudam piduna tak-i. Abraham asi nunggi thamoibu sadonggi thamoida olhanba ngamba Thawai Asengbagi mapalna mahakki manung thangba adu nouhanbi. Ariba Walepnabagi puwarida ayamba Israel machasing asi thamoi kanduna lei. Makhoi asi mangak kanba amasung thamoi kanba mesing oikhi. Aduna, Esorna lakkadaba matamda mee mayamgi maphamda Mahakki thawai heithabigani, haibadi Thawaida nouna pokkani haina wasakpi, hairiba asi Jihudi khaktada nattaduna atoppa jattisingdasuni.
Masigi warolsing asi Ask R.C. Live event with R.C. Sproul tagi louthoklakpani. Ligonier da Bible gi matangda nattraga Esorgi matangda wahangsing hangnabagidamak ask@ligonier.org ta nattraga Facebook amasung twitter da pao phaobirak-u.
Masigi wareng asi Ligonier ki wareng asidagi handokpani.