Biblegi Matung Inna, Karigidamakta Christian Khudingmakna Singlup Amada Yaogadouribano?
Paokhum:
Christian khudingmakna singlup amada saruk yagadabagi maramdi madumak Biblena mathou taba ama oina tambibagi maramnani. Hoi, Bible na “Christian khudingmakna singlup macha (local church) amada saruk yagadabani” haina chap mannaba waheimakta yathang pibadi yaode, adubu Christian khudingmakna singlup macha amagi meeoi oigadabani haina haibagi matangda mayek sengna takpa Bibledagi uba phangba mapham anidi lei.
- Jisuna singluppu lingkhatpikhibagi maramdi singlup asi taibangpanbagi oiba meesingna uba yaba kanglup ama oiduna Mahakpu thajei haina haidokpa meesing adubu khandoknaba, lousinnaba, amasung yengsinbinabani (Matt. 16:18-19, 18:15-20). Jisuna singlup asibu miyam mamangda Mahakkini haina laothoklaga taibangpanda Mahakki aphaba wapao adubu utthoknabani (John 17:21, 23; Eph. 3:10 dasu yengbiyu). Karamba meesingbu Mahakki meesing oi aduga kanabuna Mahakki mee oide haina taibangpanbana khangba asi Jisugi apambani. Adu oirabadi matou karamna taibangpanbana Mahakki oiba meesing amasung Mahakki oidaba meesing adu matou karamna khanggani? Kanana makhoi masabu meeyam mamangda, uba yaba maongda Mahakna lingkhatlaba kanglup adugi meesingga loinana, uba yaba maongda masabu sak takcharibage haina ubagi mapalna taibangpanbana khangba ngamgani. Makhoina Mahakki singlupki meeoi oiribasing adubu yenggadabani. Aduga kanagumba kharana masana masabu taibangpan apumbagi oiba singlup (Universal Church) adugi saruk amani haina haijaragasu makhoina singlup macha amada saruk yadaba oirabadi, Jisuna makhoigi amasung Mahakki singlupkidamakta leiba thourang adu makhoina yadabani. Mahakki meesinggidamakta Jisuna pamba adudi makhoina meesingna uba yaba, meeyamgi kanglup oiba asini, aduga hairiba asigi wahanthok adudi singlup machasingda amatta oina punna saruk yaminnaba asini.
- Biblena hanjin-hanjinna Christian singbu makhoigi luchingbasinggi makha ponnaba yathangsing pibi (Heb. 13:17; 1 Thess. 5:12-13). Hairiba yathang asibu innanaba amatta ngairaba lambi adudi luchingbasing adugi makhada leiba meeoisinggi adugi marakta ama oiba, aduga “Eihakna nahakki tambibasing adubu tananaba, nahakki haibagi matung innanaba, aduga nahakki luchingbagi makha ponna hingnanaba hotnagani” haina haiba asigi mapalna oigani. Karigumba nahakna singlup macha amada yaoduna mapham aduda leiriba luchingbasing adugi makha pondrabadi Bible na luchingbasinggi makha ponnaba piriba yathangsing asibu nahakna innanabagi lambi atei amatta leite.
Masigi wareng asi 9 Marks ki wareng asidagi handokpani.