Nahakna Bible gi achouba saruksing, aduga lairik phaoba, chinpha puba ngamgani. Karigumba nahakna eikhoigumba masing yamdaba meesing haibadi traumatic brain injury nattraga stroke nattraga soinaba oibasinggum oidrabadi nahakna soidana ngamgani. Aduga nahakna ngamphamsu thok ee. Adubu karigidamakta nahakna karigidamak masi tougadouribano?
1. Maramdi ningsingbagi pangalgi asonba nangonda lei.
Nahak ningsingbagi pangal solli maram asina nahakna chinpha puba ngamdabani haina haiganu. Hairiba maram asigidamaktani nahakna chinpha puba mathou tariba asi. Eihaksu ningsingbagi pangal yamna solli. Tasengnamak, eina khanbada mayamna oinariba chang asidagi eihakna henna phatte. Eina khangba amasung toina uba meesinggi mamingsingphaoba kaothok-e! Eihakna eihakki asoiba aduga kaya phattaba brain asina yamna maru oiba hiramsing adu sukkao kaodanabagidamak ka henna hotnaba ama chang-ngi. Aduga hairiba asi nungti numit khudinggi hanjin hanjinna matam changna hotnaraba khaktada oithok ee. Karigumba nahakna achamba maongda khara kanna hotnarabadi, nahakki ningsingbagi pangal aduna touba ngamba adu ubada nahakna ngakkani. Eihak Anouba Walepnabagi lairik manga chinpha pukhre aduga taruk sunaba gidamak kanna hotnari. Aduga masi toubagi maramdi eingonda ningsingbagi pangalgi asonba leibagi maramnani.
2. Maramdi nahakki wakhal adu yok thaakpa mathou tai.
Philippians 4:8 na achumba makhei, ikai khumaba yaba makhei, dharmachenba makhei, asengba makhei, yanaba yaba makhei, aphaba paodam makhei, karigumba aphaba gun amasung thagatpa yaba leirabadi, hiramsing asida wakhal tounaba takpi. Adubu karigumba eikhoina hairiba hiramsing asi ningsingdrabadi matou karamna eikhoina masimak matou karamna touba ngamgani? Biblegi aphaba hiram khara chaorakna khangba asi kaya thoidokna mateng oide. Eikhoina naitom leiba matamda, pukning hanthabaga nattraga asaobaga nattraga hakchanggi apambaga nattraga akibaga lan-thengnaba matamda eikhoida akaknaba “maru oiba amasung yamna chaoba wasakpasing” adu eikhoigi pukning da leiba mathou tai (2 Peter 1:4).
3. Maramdi nangonda Bible asi yamna nakna lei.
Eikhoida karigumba potsak khara marang kaina leirabadi hairiba potsak adubu eikhoina miraibagi thouwong asimak ngakningai oi. Karigumba Bible asi eikhoigi table singda, tablet singda, phone singda, amasung computer singda leirabadi eikhoina mathou taba matamda maduda changduna, matek khara paba amasung maru oiba waheising thiba yabagi khudong chaba leirabasu, hairiba adubu mamut tana amasung manung hanjinna khangba adu kaya thuna mathou tadaba amagumna eikhona louwi. Hairiba chamamnaba asibu lanthengnanaba amakhakta ngaiba lambi adudi chinpha puba asini.
4. Maramdi Nahakidamak Internet leire.
Laibak thibadi, internet asina eikhoibu matou karamna paroidage haina tambiduna leire. Eikhoi asi karigumba hiram amabu mamut tana khangnaba hotnabagi mahutta pao khara khangnaba chaoyeng yenglaga tokpa meesing eikhoi oirakli. Luthana amasung wakhal touduna pabagi heinabi asisu eikhoidagi tapna tapna manglakli. Saatragi asangba maphamsingbu chinpha puba asina wahei adugi wahanthok amasung maduna eikhoigi punsida matou karamna hinggani haibagi matangda luthana wakhal toubada mateng oi.
5. Maramdi nahakna khangle haina khanjariba chang adugumna nahakna Bible khangde.
Nahakka matam khara khangnaraba marup amaga wari sanaba matamda nahakna mahakki matang hanna khangdaba hiram khara henna mayek sengna khanglaklaga madugi mapalna hairiba mee adubu henna mayek sengna khanglakpa aduga hannadagi henna marida naksinnarakpagi oiba matangda nahakki punsida yaokhrabra? Matou asigumna nahakna Biblegi asangba maphamsing aduga Biblegi lairiksing chinpha puba matamda nangonda oigani. Aphaba Biblegi marupsingna nahakki thajaba yaba amasung paotak piba meeoising oirakpa nahakna phanggani.
6. Maramdi Esorgi wahei asi nangonda khwaidagi henna mamal yamba oirakkani.
Eikhoina thoidok hendokna leijaba thaduna pisinba potsak aduna eikhoigi ephamda khwaidagi mamal yamba potsak oirak-e. Karigumba nahakna Bible da matam yamna pidrabadi, masina nanggonda mamal leiba ama oirakkani haina khanganu. Adubu karigumba nahakna Esorgi wahei asibu nahakki thamoida marang kaina thamduna madugi mapalna Khristagi wahei adu nahakki nungda marang kaina leinanaba chamana liching oiba pungja kaya piduna nahakna hotnarabadi, Esorgi wahei asi nahakki khwaidagi maru oiba punsigidamak mamal henna yamba oirakkani (Psalm 119:11; Colossians 3:16; Deuteronomy 32:47).
7. Maramdi Esorgi matik mangal adu nahakna henna ujagani.
Eikhoina mee amabu mahakna touthorakpa thabak adudagi mahakki maramda karigumba khara khangba ngammi. Mee aduna ngangthoklakpa wasingdagi mee adubu eikhoina henna mayek sengna mee adubu khangba ngammi. Chingjao sing amasung mitna uba ngamdaba thawai panbasing, tarang-malanggi thawanmichaksing amasung hamengsing, makhoi khudingmakna Esorgi matangda ningthijaraba hiramsing khara takli. Adubu Esorbu thanggei sengna khangnanabagi damak, Mahakki matangda khwaidagi matik leina phajaba hiramsing adubu tasengna unanaba amasung maduda pukning luppa makhei ngakchanabagidamaktadi, Mahakna masagi matangda haiba khudingmaksing adu eikhoina thamoi changna tagadabani, maramdi Esorna Mahak masabu maru oina Mahakki waheigi mapalna phongdokpi (1 Samuel 3:21). Mahakki waheisingbu chingpha puba asina Mahakpu cheksinna tabada amasung Mahakki matik mangalbu henna khangbada eikhoibu mateng pangee.
8. Maramdi masigi mapalna nahakna apangba-asoibasingbu khangbada mateng oigani.
Nangonda taibangpanbana pungja khudinggi minamli. Seitan asi minamba mayamgi mapani (John 8:44), aduga taibangpal asi mahakki makhutta lei (1 John 5:19). Amasung nahakki paapki oiba punsi adunasu nangonda minamli. Aduga nahakki nachil nanao sasinnabasingnasu nangonda minamli. Nahakna Esorgi wahei asibu khangba helliba makhei, hairiba minambasing asibu maiyoknabada nahak henna hei-singba oigani (2 Timothy 2:15). Nahakki wakhal da Mahakki wahei asi mayek henna sengna leiriba makhei, nahakna seitangi apangbaga pankhak oiraba minambasing adubu henna mayek sengna khangdokpa ngamgani. Nahakki wakhalda Esorgi waheina marang kaina leiba asigi mapalna nahakna apangba-asoibasingbu khangdokpada mateng oigani.
9. Maramdi nahak awa-ana khanggani.
Nahakki punsida awa ana thengnagani (houjik thengnaribasu oiramba yai) aduga awa ana asina chamamnahalli amasung tangdu leitahande. Asigumba matamda Sastragi achouba maphamsing chinpha puba asina hainingai leitaba mateng oi. Mikup aduda akaknaba Esorgi wahei adu nahakki wakhalda lakkani. Adubu karigumba nahakki cheinana nattraga akibana maram oiraga chap chaba waheising adumak ningsingba ngamdrabasu, Biblegi karamba maphamda hangdoklabadi hairiba waheising adu phanggani haiba nahakna khanggani. Bible gi lairiksing chinpha puba asina lairik adubu henna mayek sengna wakhalda mami taduna lei. Nahakki awaba aduda karamba pandup amasung pada na waa ngangani haiba nahakna khanggani.
10. Maramdi nahakki nachil nanaosingsu awa-ana khanggani.
Nahakki awa-ana khangliba nachil-nanaosinggi maphamda aphaba wapaogi matung inba themjinbiba amasung paotak pubinanaba Esorgi wahei asi chinpha pugadabani. Esorgi wahei masing yamna chinpha puba asina nahak khaktabu kanaba piba natte, adubu hairiba asimak ateisingna makhoigi thajababu-yokkhatkadaba achumba adu mathou taba matamda makhoida pibibagi mapalna makhoida nungsiba utnanabagi lambi amasuni.
Bible gi asangba maphamsing adu matou karamhaina chinpha pugani.
Neinou, Pao, Chinna Haidok-u, Hanjin-hanjinna haidok-u.
Nahakna matam amuktada pada ama nattraga ani khaktamak chinpha punanaba hotnou. John Piper amasung eihaknadi, atei atoppa meeoi kharagana, Andrew Davis na puthoklakpa echam chamba maong adu sijinnei. Khudam oina John 1:1-3 asi sijinnasi.
[1] Ahoubada wahei adu leirammi, wahei adu Esorga leiminnarammi amasung wahei adu Esor oirammi.
[2] Mahak asi ahanbada Esorga leiminarammi.
[3] Pot pumnamak Ibungo mahakki mapanna oirakle, aduga oirakkhraba adu Ibungo mahak yaodana kari amata oirakte.
Ahanba Numit:
- John 1:1 asi tararak pao (paba khudinggi waheising adu nahakki wakhalda mami tahannba maongda pao)
- Adugi matungda Bible khumjillaga waheising adu tararak chinna haiyu (khonjel thokna haibiyu)
Anisuba Numit:
- John 1:1 adu ningsingbiyu aduga chinpha oina tararakk haidok-u.
- John 1:2 asi tararak pao
- Bible khumjillaga tararak haidok-u.
Ahumsuba Numit:
- John 1:1 asi amuktang chinphadagi haidok-u.
- John 1:2 asi chinpha dagi tararak haidok-u.
- John 1:3 asi tararak pao.
- Bible khumjillaga tararak haidok-u.
Aduga hairiba asi hanjin-hanjinna toubiyu. Neinou, Pao, Chinna Haidok-u, Hanjin-hanjinna haidok-u. Numit chamanigi manungda karigumba nahakna Bible pada ama asi nongmada amuklak hanjin-hanjinna chinphadagi haidoklabadi, hairiba pada adu nahakki wakhalda lengdana leigani.
Karigumba nahakna matou karamna neinabagi heinabi asi semgatkadage haiba adu khangningladabdi, Andrew Davis na mahakki lairik asida mayek sengna takli.
Nahakna Bible asi chinpha puba ngamgani! Tasengnamak nahakna ngamgani. Aduga hairiba asi nahaknasu toupham thok-e. Biblegi achouba maphamsing chinpha puba asi nahakna khalliba adudagi henna lai aduga mathakta pankhraba maram tara amasung asidagi henba maramsing asina maram oiraba hairiba asibu nahakna tourabadi madumak nahakki punsigi khwaidagi phaba hotnajaba adu oigani. Nahakna thabak asi toubagidamak keidoungeidasu ningamdaba leiroi.
John Bloom (@Bloom_jon) asi Desiring God gi cofounder amani, mahakna wareng 750 henna ekhre, amasung board member ama oina makha tana thougal touri.
