Absalom na mahakki mapa David ki mayokta leppa matamda, Zibana Mephibosheth ki matangda oidaba ngangkhi aduga mahakki lan-thum adu hurankhi.
Mephibosheth asi Jonathan gi macha nupani. David na Jonathan bu nungsijei. Maram asina mahakna mahakki ningthougi konung aduda Mephibosheth pu punsi chuppagi oina leihangani haina wasakkhi.
David na Absalom dagi chenkhiba matamda, Mephibosheth asi makhong animak soinairaba aduga mahak masamakna Jerusalem dagi nanthoktuna chenba ngamlamde. Mephibosheth ki manai nupa Zibana, Mephibosheth asi namthak touba meesak amani haina David ta tamkhi.
Absalom hek siraba matungda amasung lan adu lepkhraba matamda. David na Jerusalemda amuk hallakkhi, aduga Mephibosheth na pukning sokpagi maramna David na hek chatkhiba matungdagi mahak masabu karisu sengdoktana amasung makoi phaoba kaktana leiba adu ukhi. David na hangkhi karigidamak mahakka punna chatkhidribano haina. Mephibosheth na haikhi mahak asi soinaiba meesak amani aduga Ziba na mahakpu hundoklamduna mahakki matangda namthak toukhi.
David kidamak warep lougadaba yamna leirammi, maram asina mahakna masigidamak henna matam piba ngamkhide. Mahakna thuna warep ama loukhi. Madu achumba wayel oikhide, amasung Mephiboshethna madu khanglammi. Davidna haikhi, “Masigi matangda makha tana karigi wari sanaribano? Eina warep loure, madudi nahak amasung Ziba ga lam khaidoknaragani”.
Masigi phirep asida Mephibosethna kari haigani? Mahakki leijaba lan-thum tangkhai amadi thamoi sengdaba mioida pigadouri. Mephiboseth ki paokhum asi Bible da khwaidagi phajaba wahei pareng ama oi:
“Mephibosetna ningthouda haikhi, “Adum oinamak mahakna pumnamak lousanu, houjikti eigi ibungo ningthouna masagi mayumda asoi angam leitana amuk hallakle.” (2 Samuel 19:30)
Masimakni eikhoina ningthou Jisu gi matangda yengpham thokpa adu. Mahakna eikhoibu kanbinabagi damakta lakkhi. Aduga eikhoiga matam chuppada leiminnanaba anirak suna mahak lakkhigani. Mahak asi eikhoigi lanni amasung achouba manani.
Lan thumgi matangda marei yetnaba mayam adu Khristagi mapung pungpha phaba penbibagi nungsiba asina tuminna leihanba nattabra? “Adum oinamak mahakna pumnamak lousanu, houjikti eigi ibungo ningthouna masagi mayumda asoi angam leitana amuk hallakle.”
Masigi wareng asi Desiring God ki wareng asidagi handokpani.
