Eihakna chahi sangna hingliba makhei hingbagi aruba adu henna ui. Masigi aruba asina piba awaba adumak ti ingonda pide. Eingonda thawaigi oiba lousing pibinaba Esorda haijei, madudi achumba lambi adu natonna manam namba ngambagum eihakna ngamnaba, aduga masigi matengna khudongthibadagi kanjaduna achumba lambida chatpa ngamnaba.
Puking nouba asi khudam oina lousi. Eihakna khanbada khwaidagi maru amasung eikhoina toupham thokpa Bible gi mapham ama hairagadi Ephesians 4:31-32 ni. Esorna eihakkidamak asigumba pada asi Bible da thambirammi. Masi eihakki punsina karamna hinggani haibagi khwaidagi maru oiba yathang amani.
Pukning khaba, mei houna saoba, asaoba, lao khongba amasung athiba wangang pumnamakka loinana phattaba pumnamak nakhoidagi louthokkhiba oisanu. Nakhoi amaga amaga channou, pukning nouba oiyu, Isornasu Khristagi mapanna nakhoigi pap kokpibagumna nakhoi amana amabu koknou.
Eihakki punsida eihakna pukning noupham thokpa jagada pukning noukhidaba matamsing yamna yaokhre.
Adubu atoppa Bible gi mapham amasu leiri madudi 2 Chronicles 13:7 ni. Masida Jeroboam amasung “mamal leitaba thamoi sengdaba” singgi matangda hai — hairiba asi pukning nouba ama oide — makhoi asi Solomon gi macha nipa Rehoboam gi maiyokta leiba haiba indabasingni aduga aroibada ningthou leibak asi ani thokhi. Karigidamakta haiba indaba asina mai paklibano? Tongan tongan ba maramsing lei. Maram ama adudi asini.
“Solomon’gi machanipa Rehoboamna angang amasung pukning thotpa matang oiduna makhoigi mayokta leppa ngamdringeida makhoina kankhatlakkhi” (2 Chronicles 13:7). Masi aphaba amasung achumba handokpa wahei amani.
Aduna, pukning thotpana maram oiraga mapham matam chadaba amasung khudongthiba kaya thokhalli. Rohoboam asi yamna pukning thotpa ama oikhi. Oiriba phibam asigi matung inna chetna leppa, pangal kanba, amasung mitsel khangba mathou tai. Aduga phibam asidasu pukninggi ehulna serannana chingba ngamhandaba thamoi adu mathou tai.
Aduna chahi 65 suraba eihakna numit khudinggi achumba lambi haibadi amang ata thokhanba amasung ngak senba lambigi marak adu thibada mateng pangnaba thawaigi pangal adu pibinaba Esorda houjiksu haijari.
Hiram asida chaokhatnaba eihakka saruk yabiyu. Masi napal touba nattraga khang heiba saba punsi mahing ama natte, adubu Esorgi oibaromda chatpa punsi amani.
John Piper (@JohnPiper) asi Desiring God ki founder amasung oja amani aduga Bethlemhem Baptist Church ki chancellor amasuni. Chahi 33 chupna, Minneapolis, Minnesota da leiba Bethlehem Baptist Church ki pastor oina thougal touri. Mahak asi lairik 50 gi mathakta eekhraba ayibani, masida Desiring God: Mediations of a Christian Hedonist aduga ekui kuidana Foundations for Lifelong Learning: Education in Serious Joy gi ayibani.
Masigi wareng asi Desiring God ki wareng asidagi handokpani.