Matou karamna eikhoida thawaida haijagani? Eikhoina Thawaigi mapalna hajadaba oithokpra? Eikhoigi thouram asibu taribibi Mary koubi amadagi lakpa phajaraba wahang amani. Mahakna asumna erak’e, “Ephisa gi lairiktagi tambikhiba adugidamakta Pastor John nahakpu thagatchari. Maduna eigi punsida angakpa phangna mahei yallammi. Aphaba thabak asibu makha tana chathabiyu. Ngasi eihakna hangningliba wahang adudi asini: ‘Thawaida haijaba’ haiba asigi matangda eingonda tambiba yagadra? Paul amasung Jude na Thawaida haijanaba hairammi. Aduna Thawaida haijaba asi karam haina oibage? Thawaida haijabaga amasung Thawaigi mapalna hajadaba ani asigi marakta khetnaba adu haibiba yagadra?Christain singbu koubiba asi “Thawaida” natraga “Thawaigi mapalna” haijaduna leinaba khaktagi natte haiba asi ningsingsi. Aduga, Greekki wahei en pneumati asi karigumba matamda “Thawaigi mapalna” amasung “Thawaida” haina ani thokna wahanthok pi. Paulgi wakhalda khetnaba thamlamgani haiba eina khande. Khudam oina:
- Galatiya 5:16: Thawaida chatpa
- Romans 8:13: Thawaida hakchanggi thabaksing adu sihanba.
- 1 Corinthians 12:3: Thawaida Jisu asi Prabhuni haina haiba.
- Philippians 3:3: Thawaida khurumba.
- 1 Corinthians 14:16: Thawaida thagatpa.
- Galatians 6:1: Paapta taraba echil-enao amabu Thawaida chingkhatpa.
Thawaida haijanaba Jude 20 (“Thawaida haijaba”) amasung Ephesiya 6:17-18 (“Esorgi wa oiba thawaigi thangsang loukhatlu, matam pumnamakta Thawaigi mapalna haijou”) hairamba asi top-toppa ama natte. Christian gi punsi apumbana Thawaida hinggadabani. Eikhoina touba khudingmak Thawaida natraga Thawaigi mapalnani.
“Thawaida haijaba asina takliba adudi eikhoigi haijabasing adu Thawai Asengbagi mapalna oihanba amasung chinghanba asini.” “Thawaida haijaba” haiba asina atoppa londa, sargagi oiba lonsingda haijabani haina eihakna khande. Meesingna asumna khanbagi maramna eihakna masi haibani. Atoppa londa haijaba natte haina eihakna haibagi maramdi Ephians 6:18 na asumna hai, “Matam pumnamakta thawaigi mapanna haijou.” Nahakna tonganba lonsingda matam pumnamakta haijagadabani haiba natte. Eikhoigi haijaba khudingmakta haibani. Eikhoigi haijaba khudingmak adu thawaida oigadabani, eikhoigi haijabagi saruk amakhak oina nattana — khudam oina atoppa londa haijaba.
Thawaina-Chingba Nollukna Haijaba
“Thawaida haijaba” haiba asina kari haininglibano haiba aduda eihakki paokhum adudi asini: Eikhoina Thawai Asengbada chingbinaba aduga pangbinaba haijaba asibu Thawaida haijabani. Thawaina haijanaba eikhoigi nungda Mahakna tatpa leitana thabak subi. Aduga eikhoina haijakhraba hiramsing adubu thawaigi mapalna chingbi aduga oithok’hanbi. Maram aduna, Mahakki pangalgi mapalna haijaba adu pubi, amasung Mahakki chingbibagi mapalna haijaba adubu ngak-senbi.
Masigi wakhallon asigi matangda Bible da yaoba wahei adu eihakna takchage. Paul na Romans 8:26 ta asumna hairammi, “Matou adugumna thawai adumakna eikhoigi asonbasingda mateng pangbi. Maramdi eikhoina kari nijagadage haiba khangde, adubu thawai adumakna haining’ngai leitana nahebaga loinana eikhoigidamak haijabiri.”
Karigumba matamda eikhoigi potlumsing asi asukki matik lumbagi maramna waheina phaoba phongdokpada eikhoi wana thok’e adubu eikhoina Esorgi maphamda nahejei. Esorna khangba adudi eikhoina naheba asi Esorgi maphamdani aduga Thawaina thanba eikhoigi thamoidagi naheba asi Thawaigi naheba adumakni haiba asini. Maram aduna eikhoina haijanaba Thawaina eikhoida mateng pangbi. Mathakta haikhraba warolsing asidagi eikhoina hangba yaba adudi eikhoina wahei hainingai leitaba matamda mateng pangbakhak nattana — Thawaina chang naina kari thabak toubage haiba asini.
Eikhoigi haijabasingda chaona mateng pangbiriba adu Mahaknani. Eikhoina haijaba matamda mahakna thougatpi, mahakna ngamhanbi, mahakna pangal pibi.
Paulna Romans 8:15-16 da hairamba aduda eihakna wakhal toujei, madudi, “Maramdi nakhoina akibagi minai oinaba thawai adu phangba natte; adubu yokchaba macha oibagi thawai adu nakhoina phangjabani. Thawai adugi mapanna eikhoina “Abba, Epa” haina kou’i. Eikhoi Esorgi machasingni haiba thawai mahakmakna haiba eikhoigi thawaiga loinana sakhi pi.”
Eikhoina Esorda “Epa! Epa!” haina koujaba ngamliba asi eikhoigi thamoida Thawaina thabak subibagi maramnani. Aduna mahak asi eikhoigi Epani haibagi thajabaga loinana, Thawaida haijaba khudingmaksi Thawaimakki thabakni. Mathakta pikhraba pada asi eihakna yamna pamjei. Esorda eigi Epa haina koujaba ngamliba asi Thawaigi thabakni. Karigumba Thawaina eihakki punsida thabak subiramdrabadi eihakna Esorgi maphamda ngajaduna, mateng pangbinaba leitraba macha amagumna Epa haina kaojaba phanglammoi. Kayada ningthijakhrabano. Masini Thawai Asengba gi sakhi adu.
Eihakna khara hapchillabada, eikhoina haijaba matamda chingbiduna haijapham thokpa changda haijaba ngamnabagidamak Thawai Asengbana pukning thougatpi, — mikap thok’hanbi, mateng pangbi amasung pangal pibi. James 4:3 da asumna hai, “Nakhoina ni aduga phangde, maramdi nakhoina pukning chumdana ni, madudi nakhoina apambasing aduda sijinnanabani.”
Madu Thawaida haijadabagi khudam oigani maramdi eikhoina aranba wakhallonga loinana haijabada Thawaina keidounungda chingbiroi. Mahakti Thawai Asengba ni; mahakna keidounungda tougadaba thabak natte. Aranba wakhallonda amasung aranba hiramsingda haijabadagi ngakthokpiba asi Thawaigi athoiba thabak amani. Eikhoigi haijabasingda maru oina “Nahakki ming asengba oisanu” haiba wahei asina mamangda thamnaba Jisuna tambi (Matthew 6:9). Masini Thawai Asengbana tatpa leitana touriba thabak asi.
Aduna, “Thawaida Haijaba” asida eihakna bhap taba adudi eikhoigi haijabasing asi Thawaina chingbi amasung ngak-senbi haiba asini.
Eikhoina kari hiramsingda haijari aduga haijabagi maongsing asi Thawai Asengbana chingbibagi makha polli. Achumba adudi, eikhoina haijariba amasung eikhoi kari haijaribage haiba adu Thawai Asengbana chingbibagi mapalnani.
Thabakta Onthok-u
Hangba yaba wahangdi, matou karamna nahakna thabakta onthokkani? Hairiba wahang asi mapum oiba saruk adugi tangkak amatangni. Mapung oiba wahangdi asini, Nahakna Christian oina hingba punsida touba thabak khudingda, “Madu eina natchade, adubu eiga loinariba Esorgi thoujan adunani” (1 Corinthians 15:10), nattraga “Madu eina natchade, adubu eiga loinariba Thawai Asengbagi pangalnani” nattraga Galatians 2:20 da haibagum:
“Eina Khristaga loinana krosta siminnare, aduga eina hinglibasi eina hingba natte, adubu Khristana eigi nungda hinglibani; houjik hakchangda hingjaribasi eibu nungsibiraba amasung masamakpu eigidamak katthokpiraba amasung Esorgi machanipa adu thajabagi mapannani.” haina hainanaba nahakna kari-kari toukhrabage?
“Thawaina haijabada khwaidagi chaona touba thabaksinggi manungda ama adudi eikhoina aranba wakhallonda amasung phattaba hiramsingda haijagadaba adubu ngakthokpa asini.”
Maram aduna, haijaba yaona, Thajabagi (Christian) punsi apumba asi khwaidaie chaoba angakpani aduga athupa amasuni. Eikhoina angakpa thabak touwi adubu angakpabu sembiriba, pangbiriba amasung chingbiriba asi Thawainani. Aduga masi karamna oiribano haibagi athuppa adu Galatiya 2:20 da yaowi. Masina amaromda hainingliba asi, “Eihak hingdre adubu Khristana einongda hingle,” natraga “Thawai asi hingli aduga eihakki nungda thabak subiri” haiba asini. Paulna amuk hai, “Eihakna hingliba punsi asi Khristada thajabagi mapalna hingbani,” natraga “Khristagi thabakta thajabagi mapalna Thawai Asengbada eihakna hingli.” Eihakki waroisin adudi asini: Paulna Khristada Thajabagi mapalna mahakki punsida Khristagi Thawaina leibi.
Wasakpasingda Leppu
Eikhoina Galatiya 2:20 ki wahanthok asi mathakta haibagumna oirabadi eikhoina chatliba lambi asi achumbani: amukkasu Galatiya 3:5 da, Paulna hai, “Nakhoida Thawai pibiba aduna….” Aduna Nakhoigi haijabasingida mateng pangnaba Esorna Thawai pibiba adugi maramda wakhal khallu. “Maram aduna nakhoida Thawai adu pibiba, aduga nakhoigi narakta matik leiba thabaksing toubiba Mahak aduna nakhoina wayen yathang ngakpagi mapanna toubra [toude], nattraga thajabaga loinana tabagi mapana toubra [touwi]?
Aduna, eikhoina Thawaida haijanaba Esorgi Thawai asi eikhoida pinabi. Aduga loinana thajabaga loinana tabagi mapalna Thawai asi pinabibani haina Paulna haibi. Eikhoina wasak ama asumna haiba tai: “Eihakna nangbu mateng panggani. Eihakna nangbu kalhanbigani. Eihakki Thawai Asengbaga loinana haijabada nahakpu pangbigani. Aduga masigi thajabagi mapalna, eikhoigi haijaba asibu nouna sembinaba, pangbinaba amasung chingbinaba Thawaina thabak subi.
Aduna, wahang aduda eihakki paokhumdi hakchangda haijaba asi Thawai Asengbana eikhoigi haijabasingbu thougatpigani amasung chingbigani haibagi wasakpa aduda thajadana haijabani. Aduga Thawaida haijaba asi Thawaigi mapalna Esorgi mateng pibigani haibagi wasakpa aduda eikhoina thajaba aduni, maramdi thajaba asigi mapaldagi eikhoigi haijabasingbu Thawai Asengbana pangbinaba, chingbinaba aduga lenghanbinabani. Kayada angakpa khudolno!
John Piper (@JohnPiper) asi Desiring God ki founder amasung oja amani aduga Bethlemhem Baptist Church ki chancellor amasuni. Chahi 33 chupna, Minneapolis, Minnesota da leiba Bethlehem Baptist Church ki pastor oina thougal touri. Mahak asi lairik 50 gi mathakta eekhraba ayibani, masida Desiring God: Mediations of a Christian Hedonist aduga ekui kuidana Foundations for Lifelong Learning: Education in Serious Joy gi ayibani.
