West Coast tagi emailgi khuthangda wahang ama hanglak’e: “Khurumjari Pastor John. Eihakki ming Nathan kouwi amasung ei Bay Area, California dagi collegeki satra amani. Collegeki ahanba chahida, nahakki wapaosing aduga lairiksingna eihakki haoraobagi khongchatta yamna mateng panglammi. Nahakna Wheaton Colledgeta tamlingei matam aduga Passion Conferences ta chahi khudinggi saruk yakhiba adubu ningsinglaga, houjik matamgi Collegeki satrasingda nahakna piningba kari paotak leibage?
Eihakna paotak oina pinaba hiram taret khallaga thamle. Piba yaba paotak mayam amasu leiri, adubu sandokliba thouram asida atenba matamda channaba ngangadabani haina eina khangi. Aduna hairiba hiram taret asida yengminnasi:
1. Esorbu Nungsiyu
Nahakna Esorbu thammoi apumba, thawai apumba, wakhal apumba amasung pangal apumbana nungsigadabani (Matthew 22:37-38). Nahakki thamoi adubu achumbana thalhannaba nahakki heisinglaba wakhal adubu sijinnou. Nahakna collegetagi tamba phangkhraba mahei khudingmak aduna nahakki thamoibu achumbana thalhannabagi oina sijinnou. Nahakki thamoibu ngak sennaba aduga achumbana thalhannaba nangonda leiba lousing aduga pangal khudingmak sijinnou. Wakhal khalhanbada athingba pirakpa natraga thamoibu thouoidaba heisingba lakkadaba aduda pisinganu.
“Karigumna nahakna nungaiba pamlabadi, atoppanasu nungaiba adu nahakki aningba oigadabani.”
Esorbu thamoi apumbaga loinana nungsiba asi taibangpalbu sembikhiba maramgi achouba saruk amani. Esorna hiram khudingmakki mathakta leihallu. Esorbu nungsiba haibasi asimakni. Esorbu thamoi apumba, wakhal apumba amasung hakchang apumbana nungsiyu haiba matamda wakhal amasung hakchangnasu nungsigadabani maramdi makhoi asi thamoigi manaisingni. Aduga thamoigi apambasing adubu wakhal amasung hakchangna utthok’e. Masina ahanba paotakni.
2. Atoppa Meeosingbu Nungsiyu
Anisuba yathangna asumna hai, “Nahakna nahakki yumlonnababu nasamakkumna nungsigadabani” (Matthew22:39). Nasagi khakta khanba, nasana nasabu chaona thang’gatchabagi mahutta, college manungda minai ama oiyu. Karigumna nahakna nungaiba pamlabadi, atoppanasu nungaiba adu nahakki aningba oigadabani. Masini “nahakki yumlonnababu nasamakkumna nungsiyu” haiba asi. Karigumba nahakna mark yamna phangninglabadi, atoppanasu mark yamna phangbadu nahakki aningba oigadabani. Karigumba Jimna math hotpada mateng pamlabadi nahakna mateng pibiyu, amasung Jillna English khangnaba hotnabada mateng pamlabadi mahakpu mateng pangbiyu. Karigumba nahakna Thanksgiving gi matamda yumda chatpa pamlabadi, kanagumba amabu Thanksgiving gi matamda yumda chatnaba hotnabada mateng pangbiyu. Nahakki yumlonnababu nasakmakkumna nungsiba asi college loiraba matungdagi houba natte.
3. Esorgi Waheina Thanhallu
Taibangpal asida hingba matamda nongmagi minute tara khakta Bible pabana yaroi. Bible asi Esorgi wahei adumakni. Masi pagadabani aduga wakhalsu tougadabani. Masida yaoba achouba tangkaksingbu ningsingnaba hotnou. Eihakna chahi 28 suba matamda kanagumba amana Bible gi wahei sangna chinpha puduna haikhiba adu takhiba nattana atei amatta taraktri. Singlup asida chahi 28 leirakpa asida asum haina sangna chinphada haiba taraktri. Masina eingonda thouna happi!
Art Lewisna Matthew 6:25-33 bu chinphada haiba matam aduda eihakki punshida ahongba purakpa chaokhraba khudam ama oikhi. Biblegi pandupsingbu chinpha puba asi maru oi. Pandup khakta nattana Bibleda yaoba lairiksingsu chinpha pubasi mathou tai. Jisuna chingthakta tambibasu chinpha pugadabani. Thagat esheigi akhannaba pandupsingsu chinpha pugadabani. Biblegi waheisingbu chinpha pudabagi maramna houjik matamgi chatnabi asigi maiyotak maipakpa Thajaba (Christian) ama oina leppa matamda eihakna chingnaba pok’e.
4. Nasana Nasada Ngajaba Tok’u
Nasana matik mangal chaojahanba, nasana nasabu mapung phare khanjaba, nasana nasada ngajaba khudingmak loina tok’u, amasung nahakki hiram khudingmakkidamak Prabhuda nungti numit khudinggi ngajou. Jisuna hai, “Ei yaodana nakhoina karisu touba ngamde.” aduga Proverbs 3:5-6 ta amuk yengsi, “Nahakki thammoi apumbana Jehobabu chetna thajou, Nasagi wakhal tabada ngajaganu. Nahakna touba hiram khudingmata mahakpu ningsing’u, aduga mahakna nahakki lambelsing chumhanbigani.” Maram aduna Esorda mikup pungja khudinggi nouhanbinaba yengjou. Nahakna tougadaba hiram khudingmakta mahakna pangal amasung lousing aduga thoujal phangjanaba Mangonda nouhounana yengduna haijou, haijou, haijou.
“Taibangpal asida hingba matamda nongmagi minute tara khakta Bible pabana yaroi.”
Nahak asi nasagi nattre. Atoppagi pangalda nahakna hinglibani. Masigidamak Esorna nahakpu leibikhibani. Aduna pada asida eramba asi tamsillu, “kanagumba amana wa nganglabadi, mahakna Esorgi wa ngangba amagumna nganggadabani; kanagumba Khristagi mapanna thagatnabani. Ebungo man’gonda matk ma’ngan amasung panggal lomba naidaba lei” (1 Peter 4:11). Maram aduna haijou, haijou, haijou aduga nasa nathanta mapung phare khanjariba adubu thadok’u, amasung Esorda pumnamak ngajou.
5. Singlup Amada Yao
Esorgi waheibu mapung phana wapao sandokpa, Esorgi meesinga mari leinaba Bibleda yumpham oiba, Khristagi matik mangal uthokpa amasung Esorna mayai oiba singlup amada yao. Thajaba yana daita leiba singlupki meeoi ama oinaba college tamba loiba ngaiganu. Punsi asi supnatagi phagini khanba wakhallon adubu thugai’u. Punsi asi phagi natte. Punsi asi meeoi makhal khudingmakta amasung matam pumnamakka mari leinaduna singlup machagi makhada thoudang louba singlupki meeoi ama oiduna hingba aduni. Aduna chaokhatnaba hotnou. Nahakki akoibada leiriba chatnabi adu namtharaga chaokhatlaknaba hotnou.
6. Taibangpanbadagi Ngakthokchou
Taibangpalgi apambasingdagi nasabu cheksillu. Karigumba nahakna thajadaba singga punba matamda nahakna nungsiba adumak makhoina nungsihanbagi mahutta, makhoina nungsiriba adu nahakna nungsiba oiragadi, madudagi chenthok u, aduga Esorda amasung achumbada nungsiba adu thannaba atoppa pambei ama thiyu. Karigumba nahakna paiba computer, phone, tablet na nahakki thawaibu manghangadaba hiramsingda henna chingsinba oiragadi, madusing adubu thadok’u. Nahakki nakhut kakthatlu. Nahakki namit kothok’u. Jisuda aduga mahakki asengbada pukning apumbaga loinana ningnaba nahakna touba yabasing adu tou.
7. Hiram Khudingmak Chang yeng’u
“Jisuda aduga Mahakki asengbada pukning apumbaga loinana ningnaba nahakna touba yabasing adu tou.”
Aroibada, nahakki punshi asi ama khaktani. Aduga punshibu changyeng touba asi aphaba natte. Karina punshi nungaihanbage? Kari tourabadi eihakna lomba naidana nungaigani? Nahakki punshi adu changyeng tounaba Esorna pibiba natte. Mahakna punshi pibi aduga nangonda Lairik amasu pinabi. Esorna wa nganbire. Changyeng tounaba maram leite. Hiram khudingmakta Esorgi Waheigi matung inna tougadabani. Hiram khudingmak Mahakna khangbi. Kari touraga nahakpu nungaihangani haiba mahakna khangi. Nahakna oiriba houjikki punshida karina aphaba oigani haiba Mahakna khangi. Maram aduna Mahakpu thajou.
Mahakki wahei adubu khangu. Wahei adugi mapalna hiram khudingmak chang yeng’u.
John Piper (@JohnPiper) asi Desiring God ki founder amasung oja amani aduga Bethlemhem Baptist Church ki chancellor amasuni. Chahi 33 chupna, Minneapolis, Minnesota da leiba Bethlehem Baptist Church ki pastor oina thougal touri. Mahak asi lairik 50 gi mathakta eekhraba ayibani, masida Desiring God: Mediations of a Christian Hedonist aduga ekui kuidana Foundations for Lifelong Learning: Education in Serious Joy gi ayibani.
